33.1 C
Delhi
June 15, 2024
Hamari Duniya
Breaking News کھیل

نیپال کرکٹ ٹیم کو ملا نیا ہیڈ کوچ، اس بھارتی کرکٹر کو ملی ذمہ داری

Monty Desai

کاٹھمنڈو ، 06 فروری (ایچ ڈی نیوز)۔
نیپال کرکٹ ایسوسی ایشن نے بھارت کے سابق کرکٹر مونٹی دیسائی کو قومی کرکٹ ٹیم کا ہیڈ کوچ مقرر کر دیا ہے۔ کرکٹ ایسوسی ایشن کی سفارش کے بعد نیشنل اسپورٹس کونسل نے مونٹی کے نام پر رضامندی ظاہر کرتے ہوئے تقرری کے لیے گرین سگنل دے دیا۔مونٹی ویسٹ انڈیز ، کینیڈا ، یو اے ای جیسی ٹیموں کے ہیڈ کوچ رہ چکے ہیں، نیپالی کرکٹ کے ساتھ طویل عرصے سے وابستہ ہیں۔ سال 2015 میں نیپال نے پہلی بارٹی- 20 ورلڈ کپ کوالیفائنگ میچ کھیلا جب مونٹی بیٹنگ کوچ تھے۔ مونٹی انڈین پریمیئر لیگ (آئی پی ایل) کی راجستھان رائلز ٹیم کے ہیڈ کوچ بھی رہ چکے ہیں۔
نیپالی کرکٹ ٹیم اس وقت اسکاٹ لینڈ اور نمیبیا کے ساتھ 14 فروری سے شروع ہونے والی سہ فریقی سیریز کھیلنے کی تیاری کر رہی ہے۔ مونٹی کو گزشتہ ہفتے نیپال بلایا گیا تھا اور وہ تربیتی کام میں مصروف تھے لیکن ان کی سرکاری تقرری آج ہوئی۔اس سے قبل منوج پربھاکر نیپالی کرکٹ ٹیم کے ہیڈ کوچ تھے تاہم انہوں نے گزشتہ سال دسمبر میں اپنے عہدے سے استعفیٰ دے دیا تھا۔ تب سے نئے کوچ کی تلاش جاری تھی۔ نیپال کرکٹ ایسوسی ایشن نے مونٹی کے ساتھ دو سال کا معاہدہ کیا ہے۔

Related posts

دیو میں منعقدہ اولین بیچ گیمز میں مدھیہ پردیش مجموعی طور پر چمپئن بن کر ابھرا

Hamari Duniya

دہلی مجلس نے ایم سی ڈی الیکشن کیلئے دو امیدواروں کے ناموں کا اعلان کردیا

Hamari Duniya

فیفا عالمی کا سب سے بڑا اپ سیٹ: سعودی عرب نے خطاب کی دعویدار ارجنٹینا کو شکست دی

Hamari Duniya