33.1 C
Delhi
June 15, 2024
Hamari Duniya
Breaking News بین الاقوامی خبریں

نیپال میں سرجوڑ کر بیٹھے کمیونسٹ ممالک کے نمائندے، پرچنڈا نے نیپال کوکمیونسٹ ممالک کیلئے مثال قرار دیا

Parchanda

کاٹھمنڈو، 06 فروری۔
نیپال میں کمیونسٹ حکومت کے قیام کے بعد نہ صرف چین کی سرگرمیوں میں اضافہ ہوا ہے بلکہ دنیا بھر کے کمیونسٹ ممالک کے نمائندوں کی انٹرنیشنل پیپلز اسمبلی بھی یہاں خفیہ طور پر منعقد ہوئی ۔ نیپال کے دارالحکومت کاٹھمنڈو میں یکم سے 5 فروری تک منعقدہ نیپال کی حکمران نیپال کمیونسٹ پارٹی ماوسٹ سینٹر نے اس کانفرنس کی میزبانی کی ۔
اس کانفرنس میں چین، کیوبا، وینزویلا، برازیل، گھانا، جنوبی افریقہ، مراکش، بنگلہ دیش، اٹلی، اسپین سمیت بعض دیگر ممالک کی کمیونسٹ پارٹیوں کے نمائندے شریک ہوئے ۔ کانفرنس کے اختتام پر، نیپال کے وزیر اعظم اور ماوسٹ سینٹر کے چیئرمین پشپ کمل دہل ‘پرچنڈ’ نے اتوار کو اپنی سرکاری رہائش گاہ بالوواٹار میں عشائیہ کا اہتمام کیا۔
اس موقع پر وزیر اعظم پرچنڈ نے کہا کہ نیپال کی تمام بائیں بازو کی جماعتوں کو متحد کرنے کی کوشش کی جا رہی ہے۔ اس میں وہ کافی حد تک کامیابی بھی ملی ہے ۔ اس تناظر میں نیپال دنیا کی کمیونسٹ طاقتوں کے لیے ایک بہترین مثال ہے۔پرچنڈ نے کہا کہ نیپال کا مسلح انقلاب اور امن عمل دنیا کے لیے بنیادی حیثیت رکھتا ہے۔ ہمارے مطابق نیپال کے آئین میں ترمیم کمیونسٹ تحریک کی ایک بڑی کامیابی ہے۔

Related posts

وزیر اعظم نریندر مودی کو چھوٹی بچی سے بی جے پی کی تشہیر کرانا بھاری پڑے گا!،کانگریس پہنچی چلڈرن کمیشن

Hamari Duniya

میڈیاکی متعصبانہ رپورٹنگ کے خلاف جمعیۃعلماء ہند 7اپریل 2020سے سپریم کورٹ میں کیس لڑرہی ہے

Hamari Duniya

مرکزی حکومت 3 سال سے نہیں کررہی تھی مرکزی حج کمیٹی کی تشکیل، سپریم کورٹ کا الٹی میٹم

Hamari Duniya