نئی دہلی،27فروری(ایچ ڈی نیوز)۔
بالی ووڈ کے مشہور سینئر اداکار نصیرالدین شاہ نے ساتھ کی فلموں کی زبردست تعریف کی ہے۔ان کا کہنا ہے کہ جنوبی ہند(ساؤتھ) کی فلمیں جس انداز میں پیش کی جارہی ہیں وہ بہت عمدہ ہیں اور یہی وجہ ہے کہ ساؤتھ کی فلمیں ہندی سنیما سے بہتر نتائج دے رہی ہیں۔
میڈیا رپورٹ کے مطابق 72 سالہ اداکار نے کہا کہ تامل، کنڑ، ملیالم اور تیلگو فلم انڈسٹری بالی ووڈ یا ہندی فلمی صنعت سے زیادہ تخلیلاتی اور حقیقی ہے۔گزشتہ 50 برسوں سے ممبئی کی فلم نگری میں اپنے منفرد انداز اداکاری کے لیے مشہور نصیرالدین شاہ نے گفتگو جاری رکھتے ہوئے مزید کہا کہ اگرچہ جنوب کی فلمیں معقولیت اور حساسیت سے عاری ہوتی ہیں لیکن ان کے پیش کرنے کا انداز ہمیشہ کافی بہتر ہے۔
ان کا کہنا تھا کہ حالیہ سالوں میں ساوتھ کی فلمیں جیسے کہ کے جی ایف، پشپا دی رائز، کنتارا اور آر آر آر نے مقامی باکس آفس پر ہندی فلموں کو پیچھے چھوڑ دیا اور بہت زیادہ بزنس کیا۔
اکشے کمار اور عامر خان جیسے ہندی سنیما کے صف اول کے اداکاروں کی حالیہ ماہ و سال میں جاری ہونے والی کئی ہندی فلمیں گزشتہ برس باکس آفس پر اچھے نتائج نہ دے سکیں۔ اس کی تازہ مثال اکشے کمار کی فلم سیلفی ہے جو دو روز قبل جمعہ کو ریلیز ہوئی لیکن توقع سے کم نتائج کی حامل رہی۔
