ہم خون کے عطیہ کی اہمیت کو اس وقت سمجھتے ہیں جب ہمارا اپنا کوئی زندگی اور موت کی کشمکش سے جوجھتا ہے: جمال صدیق
نئی دہلی، یکم جنوری : بھارتیہ جنتا پارٹی اقلیتی مورچہ کے قومی صدر جمال صدیقی نے اپنے یوم پیدائش کے موقع پر لوک نائک جے پرکاش (ایل این جے پی) اسپتال دہلی میں خون کا عطیہ دے کر نئے سال کا آغاز کیا اور سب کو نئے سال کی مبارک باد دی۔ یوم پیدائش دفتری ملازمین کے ساتھ سادگی اور غریبوں کی خدمت اور فلاح و بہبود کے جذبے کے ساتھ منایا گیا۔
خون کا عطیہ دینے کے بعد جمال صدیقی نے میڈیا سے گفتگو کرتے ہوئے کہا کہ خون کے عطیہ سے کسی کو جوان کرنے سے جو روحانی خوشی ملتی ہے اس کی نہ تو قدر کی جاسکتی ہے اور نہ ہی اسے الفاظ میں بیان کیا جاسکتا ہے۔ ہمیں خون کے عطیہ کی اہمیت کا اندازہ اس وقت ہوتا ہے جب کوئی ہمارا قریبی شخص زندگی اور موت کی کشمکش سےجوجھتا ہو۔ خون کا عطیہ دینے سے ایک طرف ہم کسی کی جان بچاتے ہیں اور دوسری طرف روح کو پاک کرتے ہیں۔ خون کے عطیہ سے متعلق غلط فہمیوں کی وجہ سے بہت سے لوگ خون کا عطیہ دینے سے گریز کرتے ہیں اگرچہ اس سے کوئی نقصان نہیں ہوتا لیکن اس کے بہت سے فوائد ہیں۔ ہم سب کو خون کا عطیہ دینے کے لیے آگے آنا چاہیے۔ اس موقع پر مورچہ کے قومی نائب صدر ایس.ایم اکرم، صوفی سمواد مہا ابھیان کے قومی انچارج ڈاکٹر اسلم، شریک انچارج کمال بابر وغیرہ موجود تھے۔
