نئی دہلی(ایچ ڈی نیوز)۔
: جمعیة علما ءہند کے صدر مولانا محمود اسعد مدنی نے موربی گجرات میں پل سانحہ میں اب تک ایک سو پینتیس لوگوں بالخصوص معصوم بچوں اور خواتین کی جان کاہ موت پر گہرے دکھ کا اظہار کیا ہے اور مقامی جمعیة علماءہند کو ہدایت دی ہے کہ بلاتفریق مذہب وملت لوگوں کی راحت رسانی اور بچاﺅ کے عمل میں ہر ممکن مدد کریں۔مولانا مدنی نے مرنے والوں کے اہل خانہ کے ساتھ مصیبت کی اس گھری میں یکجہتی کا اظہار کیا ہے ، نیز زخمیوں کی جلد صحت یابی کی دعاءکی ہے۔مولانا مدنی نے اس موقع پر مطالبہ کیا کہ جن لوگوں کی جانیں گئیں ہیں، ان کو معقول معاوضہ دیا جائے ، نیز زخمیوں کا بہتر سے بہتر علاج کا بندوبست کیا جائے۔مولانا مدنی نے قصورواروں کے خلاف سخت سے سخت کارروائی کا بھی مطالبہ کیا۔
اس سلسلے میں جمعیة علماءہند کے جنرل سکریٹری مولانا حکیم الدین قاسمی نے بتایا کہ جمعیة علماءگجرات اور ضلع یونٹ راج کوٹ کے ذمہ داروں سے با ت ہوئی ہے۔ واقعہ کی تفصیل بہت تکلیف دہ ہے، سبھی مذاہب کے ماننے والے اس واقعہ سے متاثر ہیں۔جمعیة علماءکے خدام ہر ممکن مدد کریں گے تاکہ اس افسوسناک واقعہ کے متاثرین خود نہ تنہا نہ سمجھیں۔
