22.8 C
Delhi
February 24, 2024
Hamari Duniya
Breaking News دہلی قومی خبریں

جماعت اسلامی ہند کے سابق امیر مولانا سید جلال الدین عمری شاہین باغ قبرستان میں سپرد خاک

مولانا سید جلال الدین عمری

نئی دہلی(ایچ ڈی نیوز)۔

جماعت اسلامی کے سابق امیرمولانا سید جلال الدین عمری کا26 اگست 2022 کو پونے نو بجے شب انتقال ہوگیا۔ وہ 88 برس کے تھے۔ گزشتہ برس انہیں کورونا ہوگیا تھا۔ اس وقت سے کمزوری تھی۔ لیکن وہ معمول کی سرگرمیاں انجام دینے لگے تھے۔ ایک ہفتہ قبل تقابت بڑھ گئی تب انہیں مرکزی جماعت اسلامی کیمپس میں قائم الشفا ہاسپٹل میں داخل کیا گیا۔ جہاں انہوں نے آخری سانس لی۔ ہفتہ کو صبح پونے دس بجےان کی نماز جنازہ مرکز کے کیمپس میں ادا کی گئی جس میں ہزاروں کی تعداد میں لوگوں نے شرکت کی۔اور ان کی تدفین شاہین باغ کے قبرستان میں کی گئی۔  مولانا جلال الدین عمریؒ کی وفات سے اسلامی تحریک، ملت اسلامیہ اور علم دین کی تاریخ کا ایک باب مکمل ہوگیا۔ دین سلام کی متوازن، مدلل اور حوصلہ مند ترجمانی اور اس حوالے سے ان کا عظیم علمی کام یقیناً اس عہد کے لیے ان کا گراں قدر کنٹری بیوشن ہے۔ مولانا کی پوری زندگی جہد مسلسل کی تصویر اور ایک دین حق کے کاز کے لیے قربانیوں کا شاندار نمونہ تھی۔ وہ تحریک اسلامی ہند کی پوری تاریخ کے شاہد بلکہ اس طویل تاریخ کے ایک اہم کردار تھے۔ پچاس کے دہے سے لے کر دو ہزار بیس کے دہے تک وہ مسلسل تحریک اسلامی کی قیادت کا حصہ رہے اور علمی و عملی دونوں محاذوں پر اس قافلے کی سرگرم رہنمائی فرماتے رہے۔ اس طویل تاریخ کے ہر مرحلے میں اپنے علم دین، دینی بصیرت، حالات کے گہرے شعور اور جرائت و حوصلہ کے ذریعے انہوں نے تحریک کو راہیں بھی دکھائیں اور ان راہوں پر چلنے کا جذبہ بھی عام کیا۔ مولانا کے علم و تجربے نے تحریک اسلامی کی کم سے کم تین نسلوں کی تربیت کی ہے۔
مولانا کی رحلت میرے لیے ایک ذاتی صدمہ ہے۔ ان کا وجود میرے لیے ایک گھنا سایہ تھا۔ اللہ سے دعا ہے کہ مولانا مرحوم کے درجات کو بلند فرمائے اور اپنے مقرب ترین بندوں کے جلو میں اور اپنی رحمت کے سائے میں انہیں اعلیٰ مقام عطا فرمائے۔ آمین
چند دیگر اداروں اور اہم ا شخاص کے تعزیتی پیغامات
آل انڈیا مسلم پرسنل لاءبورڈ:
آل انڈیا مسلم پرسنل لاءبورڈ نے مولانا جلا ل الدین عمری کے انتقال پر تعزیت کا اظہار کیا ۔ بورڈ نے کہا کہ مولانا جو بورڈ کے نائب صدر تھے، نے بورڈ کے ساتھ ساتھ ہندوستان میں مسلم کمیونٹی کے لئے اپنی گراں قدر خدمات انجام دیں ۔ مولانا ایک معروف مصنف ، شاندار مفکر اور عظیم اسلامی اسکالر تھے۔
مولانا خالد سیف اللہ رحمانی :
آل انڈیا مسلم پرسنل لاءبورڈ کے جنرل سکریٹری مولانا خالد سیف اللہ رحمانی نے اپنے تعزیتی بیان میں کہا کہ ہندوستان کی آزادی کے بعد جن چند گنے چنے اہل علم نے اسلامی کی موثر ترجمانی اور اعتدال و میانہ روی کے ساتھ مسلمانوں کی رہنمائی کا فریضہ انجام دیا ہے، ان میں بہت ہی نمایاں نام حضرت مولانا سید جلال الدین عمری صاحب کا ہے۔ وہ ایک بلندپایہ مصنف، صاحب نظر محقق، زمانہ شناس، داعی اور ہمہ جہت صلاحیتوں کی حامل شخصیت تھے۔
مولانا محمود مدنی ، جمعیت علماءہند
جمعیت علمائے ہند کے صدر مولانا محمود مدنی نے مولانا عمری کے انتقال پر اپنے گہرے رنج و غم کا اظہار کرتے ہوئے کہا کہ جماعت اسلامی ہند کے امیر کی حیثیت سے مولانا عمری کی مسلم کمیونٹی کے لئے ’ اجتماعیت ‘ کی کوششوں کا میں نے ہمیشہ خیر مقدم کیا۔ مولانا عمری علم کا ذخیرہ ، بصیرت سے مالا ، ایک عظیم مفکر اور اعلیٰ اخلاقی اصولوں کے حامل انسان تھے۔ان کی وفات نے علمی اور فکری دنیا میں ایک بڑا خلا پیدا کردیاہے ۔ دعا ہے کہ اللہ تعالیٰ ان کی بال بال مغرفت فرمائے اور ان کے درجات بلند کرے
فلسطین اسکالر ایسوسی ایشن
شیخ علامہ جلال الدین عمری کی وفات کی اندوہناک خبر ملی۔ سابق امیر جماعت اورنائب صدر مسلم پرسنل لاءبورڈ کی زندگی دین کی دعوت ، معاشرے کی تربیت اور ملت اور مظلوموں کی مدد میں گزری اور ان میں سر فہرست مسئلہ فلسطین تھا۔ ہم فلسطین اسکالرز ایسوسی ایشن میں اسلامی قوم ، ہندوستان کے مسلمان بھائیوں کے تئیں ہمدردی کا اظہار کرتے ہیں جیسا کہ ہم شیخ عمری کے اہل خانہ ، عزیزوں ،ان کے شاگردوں اور بھائیوں کو تعزیت پیش کرتے ہیںاور دعا کرتے ہیں کہ اللہ ان کو اپنی رحمت کی وستوں میں جگہ دے اور جنت ا لفردوس میں انبیا ، صادقین اور صلحاء کے ساتھ اعلیٰ مقام عطا فرمائے۔

علی چیگینی، ایرانی سفیر
ڈاکٹر سید سعادت اللہ حسینی ، امیر جماعت اسلامی ہند
مجھے عظیم اسلامی اسکالر اور جماعت اسلامی ہند کے سابق امیر مولانا جلال الدین عمری کے انتقال کی خبر سن کر گہرا رنج ہوا جنہوں نے اپنی زندگی اسلام کی تبلیغ کے لئے خاص طور پر اسلامی اتحاد کے مختلف پہلوﺅں میں وقف کردی۔ میں اس دانشمند اور علم دوست شخصیت کے انتقال پر ان کے معزز خاندان ، آپ اور جماعت اسلامی ہند کے تمام اراکین کو دلی تعزیت کا اظہار کرتا ہوں۔اللہ تعالیٰ سے دعا ہے کہ وہ مرحوم کے درجات بلند فرمائے اور ان کی بخشش و مغفرت فرمائے۔
آل انڈیا مجلس اتحاد المسلمین
اے آئی ایم آئی ایم کے صدر اسد الدین اویسی نے کہا کہ ایک عظیم اسلامی اسکالر اور جماعت اسلامی ہند کے سابق صدر مولانا جلال الدین عمری کا انتقال ہندوستان میں مسلم کمیونیٹی کے لئے بڑا خسارہ ہے۔
ڈاکٹر ظفر الاسلام خاں
دہلی اقلیتی کمیشن کے سابق چیئرمین ڈاکٹر ظفر اسلام خاں نے کہا کہ مولانا عمری کی وفات سے معاشرے کا ایک اور ستون گر گیا۔وہ ایک مشہور مصنف اور خطیب تھے۔ اللہ انہیں جنت الفردوس میں اعلیٰ مقام عطا فرمائے۔
آل انڈیا مجلس مشاورت
آل انڈیا مسلم مجلس مشاورت کے صدر نوید حامد نے ایک ٹویٹ میں مولانا عمری کو ایک مشہور اسلامی اسکالر قرار دیا۔
ڈاکٹر فرید احمد پراچہ
ایک جید عالم دین، علوم اسلامیہ کو عصری تقاضوں کے ساتھ سمجھنے اور سمجھانے والے مسلمان قائد سید جلال الدین عمری اللہ کےحضور پیش ہوئے۔ موت العالِم موت العالَم۔ اللہ تعالیٰ ان کی مغفرت کرے اور جنت الفردوس میں اعلیٰ درجات عطا فرمائے۔ آمین

مسیحی رہنما فادر ایم ڈی تھامس:
مولانا عمری کی وفات پر دکھ کا اظہار کرتے ہوئے مسیحی رہنما فادر ڈاکٹر ایم ڈی تھامس نے تعزیت پیش کرتے ہوئے کہا کہ میں انہیں اچھی طرح جانتا تھا۔ ہماری ان سے خوشگوار ملاقاتیں ہوئیں۔ اللہ انہیں خوب اجر دے۔
سنت ویر سنگھ:
سنت ویر سنگھ ہٹکاری نے اپنے تعزیتی پیغام میں دعا کی کہ اللہ مولانا کے اہل خانہ اور ان کے لواحقین کو یہ صدمہ برداشت کرنے کی طاقت دے۔

Related posts

ملک کے آئین میں ہر شخص کو اپنے مذہب پر عمل کرنے کی آزادی

Hamari Duniya

دہلی میں آج بجے گا ایم سی ڈی الیکشن کا بگل

Hamari Duniya

دارالعلوم دیوبند آزاد قانونی تعلیمی ادارہ ہے:مفتی ابوالقاسم نعمانی 

Hamari Duniya