دیوبند،17 اکتوبر(فہیم صدیقی ؍ ایچ ڈی نیوز)
جمعیة علماءہند کے تحت مثالی معاشرہ کی تشکیل کے لئے چلائی جارہی مہم کے تحت عیدگاہ روڈ پرواقع شیخ الہند ہال میں مغربی یوپی اور اتراکھنڈ کے مثالی اضلاع کی سہ روزہ ورکشاپ منعقد کی گئی،جس میں جمعیة علماءہند کے ذریعہ منتخب کئے گئے مغربی یوپی کے مثالی اضلاع امروہہ،شاملی،باغپت،مظفرنگر،ہاپوڑ اور فیروز آباد جبکہ اتراکھنڈ کے دہریدوار اور دہرون دون کے جمعیة علماءہند کے ایکٹیو ممبران نے شرکت کی،مختلف نشستوں پر منعقد پروگرام میںدارالعلوم دیوبند کے مہتمم مفتی ابوالقاسم نعمانی اور جمعیة علماءہند کے صدر مولانا سید محمود مدنی نے قیمتی نصیحتوں سے نوازاتے ہوئے ملک و ملت کے لئے نفع بخش انسان بننے کی تلقین کی۔ورکشاپ میں بنائے گئے دس گروپ کے تحت پیر اور منگل کے روز کردار سازی،شخصیت سازی،نفع بخش انسان بننے، صحت مند معاشرہ کی تشکیل، ملک و ملت کی فلاح و بہبود ،نسل نو کو منظم بنانے اور تعلیم و تربیت کے میدان میںمعاشرہ کے لئے عملی طورپر کام کرنے کے متعلق گروپ لیڈرز کے ذریعہ تربیت دی گئی،جبکہ آج تیسرے دن بھی تمام حاضرین کو تربیت دی جائے گی اور انہیں ان کی ذمہ داریاں سپرد کرکے تربیتی پروگرام اختتام کا ہوگا۔
پروگرام کنوینر اور مغربی زون کے سکریٹری قاری ذاکر حسین مظفرنگری کے مطابق صالح معاشرہ کی تشکیل اور سماج میں تعلیمی و تربیتی نظام کو منظم بنانے اور نسل نو کو ملک و ملت کے لئے نفع بخش بنانے کے لئے جمعیة علماءنے یہ مہم شروع کی ہے اور اسی کے تحت یہ سہ روز تربیتی پروگرام منعقد کیا جارہاہے۔ورکشاپ سے خطاب کرتے ہوئے دارالعلوم دیوبند کے مہتمم مفتی ابوالقاسم نعمانی نے تعلیم و تربیت کی اہمیت پر روشنی ڈالی اور کہاکہ تعلیم یافتہ اور ہنر مند سماج ہی ملک و ملت کی فلاح و بہبود کے لئے کار آمد ثابت ہوتاہے، اسلئے ہمیں تعلیمی و تربیتی نظام کومنظم کرنا چاہئے اور احکام خداوندی کے مطابق معاشرہ کے لئے نفع بخش انسان بننے کی کوشش کرنی چاہئے۔انہوںنے کہاکہ موجودہ وقت میں نسل نوکو صحیح رہنمائی کی شدید ضرورت ہے،اگر نئی نسل بھٹک جاتی ہے تو پورا معاشرہ بگڑ جاتاہے اسلئے تمام حضرات کی یہ ذمہ داری ہے کہ نوجوان نسل کی صحیح رہنمائی کا فریضہ انجام دیں۔جمعیة علماءہند کے صدر مولانا سید محمود مدنی نے اپنے خطاب کے دوران روحانیت پیدا کرنے اور دلوں صاف کرنے کی تلقین کی ۔
انہوں نے کہاکہ یہ تربیتی پروگرام آپ لوگوں کو ملک وملت کے مفید تر بنانے کے لئے منعقد کیاجارہے تاکہ آپ لوگ صحت مند معاشرہ کی تشکیل کا ذریعہ بن سکیں۔مولانا مدنی نے تمام ممبران کو نصیحت کی کہ وہ جو ٹریننگ یہاںسے لیکر جارہے ہیں اپنے اپنے علاقوں میںعملی طورپر اس کے تحت کام کریں تاکہ ملک و ملت کو اس سے فائدپہنچ سکے۔انہوںنے خاص طورپر تعلیم کی اہمیت وا فادیت پرزور دیتے ہوئے کہاکہ تعلیم یافتہ نسل ہی معاشرہ کی ترقی کی بنیاد ہوتی ہے اسلئے تعلیمی مہم کو مضبوط اور منظم بنائیں تاکہ نئی نسل کو ملک و ملت کی خدمت کے لئے تیار کیا جاسکے۔ قبل ازاں پروگرام کا آغاز تلاوت کلام اللہ سے ہوا اور جمعیة علماءہند کے جنرل سکریٹری مولانا حکیم الدین قاسمی نے نشست اول کی نظامت کے فرائض انجام دیتے ہوئے اس ورکشاپ کی اغراض و مقاصد پر تفصیلی روشنی ڈالی۔
تربیتی کیمپ میں دارالعلوم دیوبند کے استاذ مولانا عمراللہ قاسمی، مولانا ساجد فلاحی،محمد ساجد قریشی،مولانا قاری ذاکر قاسمی،مولانا یاسین جہازی،مولانا شعیب،مولانا حسین ندوی، مولانا معظم عارفی،مولانا غیور احمد وغیرہ نے اصلاح معاشرہ،خدمت خلق،جمعیة علماءاوپن اسکول،محاسبہ ایمان،سوشل میڈیا،جمعیة یوتھ کلب،دینی تعلیمی بورڈ،موڈل ولیج جیسے عناوین پر خطاب کیا ۔ کیمپ میں خصوصی طورپر جمعیة علماءہند کے ضلع جنرل سکریٹری سید ذہین احمد، ضلع سکریٹری مولانا محمد ابراہیم قاسمی سمیت جمعیة علماءہند کے عہدیدان و کارکنان نے شرکت کی۔
