نئی دہلی،11نومبر(ایچ ڈی نیوز)۔
ملک کے پہلے وزیر تعلیم بھارت رتن مولانا ابوالکلام آزاد کو ان کی 135 ویں یوم پیدائش پر یاد کیا گیا۔ مولانا ابوالکلام آزاد فاؤنڈیشن نے تاریخی شاہجہانی شاہی جامع مسجد کے قریب واقع مولانا آزاد کے مقبرے پر خراج عقیدت پیش کیا تھا۔ مولانا ابوالکلام آزاد فاؤنڈیشن کے چیئرمین عمران خان کی صدارت میں منعقدہ میٹنگ میں فاؤنڈیشن کے عہدیداروں کے ساتھ دہلی پردیش کانگریس اقلیتی شعبہ کے چیئرمین عبدالواحد قریشی، وائس چیئرمین مخدوم خان، ضلع چاندنی چوک کانگریس اقلیتی شعبہ کے چیئرمین فرحان خان بھورے نے شرکت کی۔ چھتر سنگھ، شہزاد، حمزہ چودھری، ہرپریت سنگھ سہانی، محمد نسیم، محمد سبحان وغیرہ موجود رہے۔
اس موقع پر دہلی پردیش کانگریس اقلیتی شعبہ کے صدر عبدالواحد قریشی نے کہا کہ مولانا آزاد کی شراکت بہت اہم ہے جسے ملک کبھی فراموش نہیں کر سکتا۔ لاکھوں نوجوان ان اداروں سے تعلیم حاصل کر کے ملک و دنیا میں نام روشن کر رہے ہیں جو مولانا نے اس وقت قائم کیے تھے جب وہ ملک کے پہلے وزیر تعلیم تھے۔ مولانا آزاد نے جو راستہ دکھایا ہے لیکن آگے بڑھنے کی ضرورت ہے۔ آج جب ملک میں تعصب اور نفرت بڑھ رہی ہے تو ان نفرتوں کو دور کرنے کے لیے مولانا آزاد کے راستے پر چلنے کی ضرورت ہے۔ ہمیں مولانا آزاد کی خدمات کو یاد رکھنے کی ضرورت ہے چاہے وہ ہندوستان کی آزادی سے پہلے کی ہو یا آزادی کے بعد۔
