مولانا عبد الماجد ایجوکیشنل اینڈ سوشل ویلفیئر سوسائٹی کے جانب سے غرباء میں لحاف تقسیم
دریاآباد،بارہ بنکی(محمد مدثر):سرد لہر میں غرباء کو ٹھنڈی سے راحت پہنچانے کی غرض سے بلا تفریق مذہب و ملت مولانا عبد الماجد ایجوکیشنل اینڈ سوشل ویلفیئر سوسائٹی کے جانب سے مدرسہ معین الاسلام میں قاری شکیل احمد فرقانی مہتمم مدرسہ کی صدارت میں لحاف تقسیم کی تقریب کا اہتمام کیا گیا، جسمیں مہمان خصوصی کی حیثیت سے ڈاکٹر امت دوبے انچارج سی ایچ سی متھرا نگر اور مہمان اعزازی کے طور پر ڈاکٹر شبھم ڈائریکٹر دیو ہاسپٹل نے شرکت کی۔ اس موقع پر ڈاکٹر امت دوبے نے کہا کی انسانیت کی خدمت بہت اچھا کام ہے اور اس طرح کے کاموں میں بڑھ چڑھ کر حصہ لینا چاہیے۔ ڈاکٹر شبھم نے کہا کہ ہر صاحب حیثیت کو چاہئے کہ وہ غرباء و مساکین کی طرف توجہ دیں اور ہر امکان انکی مدد کریں۔
سوسائٹی کے صدر جنید شمس نے کہا کہ ہماری سوسائٹی بلا کسی امتیاز گزشتہ 24 سال سے کمبل تقسیم کا اہتمام کرتی آرہی ہے کیونکہ سوسائٹی کے مقاصد میں تعلیمی و تربیتی امور کے ساتھ سماجی و رفاہی خدمات بھی شامل ہیں اسی سلسلے میں آج کا یہ تقسیم لحاف کا پروگرام منعقد ہوا۔
تقریب کی صدارت کر رہے قاری شکیل احمد فرقانی نے سوسائٹی کے کاموں کو سراہتے ہوئے جملہ کارکنان کو اپنی دعاؤں سے نوازا۔ سوسائٹی کے جنرل سکریٹری محمود احمد نے سبھی مہمانوں کا شکریہ ادا کیا۔ اس موقع پر مولانا شکیل احمد ندوی،مولانا محفوظ الرحمٰن ندوی،مولانا عقیل احمد ندوی،شیخ الطاف احمد،چندر پرکاش تیواری،عبد اللہ جمال،عبد الاحد،محمد ارشد وغیرہ موجود تھے۔
