نئی دہلی :15جون (ایچ ڈی نیوز)دہلی پردیش کانگریس کمیٹی کے صدر دیوندر یادو کی ایما پر دہلی میں پانی کی قلت اور آلودہ پانی کے خلاف 280بلاکوں میں مٹکے پھوڑ کر احتجاج کیا گیا ۔ اسی کڑی میں سیلم پور اسمبلی حلقہ کے چاروں بلاکوں میں مٹکے پھوڑے گئے ۔ گوتم پوری وارڈ کے سینئر کانگریسی لیڈر راجیندر پر دھان نے اپنی پوری ٹیم کے ساتھ امبیڈکر چوک عثمان پور میں سابق رکن اسمبلی چودھری متین احمد کی قیادت میں پانی کی قلت پر زبر دست احتجاج کیا ۔تاہم موجپور بلاک میں کانگریس کمیٹی کے صدر انل شرما نے سبزی منڈی کے تیراہے پر پانی کا مطالبہ کر آواز بلند کی ۔چوہان بانگر وارڈ کے صدر سرتاج احمد نے بابر پور ضلع کانگریس کمیٹی کے صدر چودھری زبیر احمد اور چودھری متین احمد کی موجودگی میں بر ہمپوری روڈ پر مٹکے پھوڑ کر اپنے غصہ کا اظہار کیا ۔سیلم پور بلاک کانگریس کمیٹی کے صدر ریاض الدین راجو نے شیٹ مارکیٹ میں پانی کی قلت کے خلاف صدائے احتجاج بلند کی ۔احتجاج میں کثیر تعداد میں سیلم پور اسمبلی حلقہ کے کارکنان و عام لوگوں نے شرکت کی ۔اس موقع پر کانگریس کے قد آورلیڈر چوھری متین احمد نے کہاکہ موجودہ حکومت میں دہلی کے لوگ بوند بوند پانی کو ترس رہے ہیں اور عام آدمی پارٹی اور بی جے پی آپسی الزام تراشی میں مصروف ہیں جس کا خمیازہ دہلی کے عوام کو بھگتنا پڑ رہاہے ۔انہوں نے کہاکہ دہلی ملک کی راجدھانی ہے شدید گرمی میں جب یہاں لوگ پانی کو ترس رہے ہیں تو دوسری ریاستوں کا حال کیا ہوگا ، انہوں نے کہاکہ موجودہ سرکاریں پہلے سے حکمت عملی تیار نہیں کر تی جس وجہ سے بحران پیدا ہوتا ہے ۔چودھری متین نے کہاکہ سابق وزیر اعلی آنجہانی شیلا دکشت جی نے جس دہلی کو ہر اعتبار سے بہترین شہر بنایا تھاآج وہ خستہ حال ہوتی جارہی ہے ۔ تاہم موجودہ سرکاریں اس کا رکھ ر کھائو کرنے میں پوری طرح ناکام ثابت ہو چکی ہیں ۔بابر پور ضلع کانگریس کمیٹی کے صدر چودھری زبیر احمد نے کہاکہ اس مرتبہ دہلی کی گرمی نے اپنے پچھلے سارے رکارٹ توڑ دئے ہیں ساتھ ہی پانی کی قلت کی وجہ سے لوگوں کی عام زندگی متاثر ہو رہی ہے ۔ آج ہم دیکھتے ہیں جب پانی کا ٹینکر آتا ہے تو لوگ دوڑنے لگتے ہیں جبکہ دہلی حکومت نے گھر گھر پانی پہنچانے کا وعدہ کیا تھا آج پانی کی کمی موجودہ حکومتوں کی پول کھول رہی ہے ۔ ڈیلی گیٹ سید ناصر جاوید نے کہا کہ جس دہلی کی مثالیں دی جاتی تھیں آج وہ پانی کو ترس رہی ہے ۔ انہوں نے کہاکہ کانگریس پارٹی نے ہمیشہ عوام کے مسائل کو بلند آواز سے اٹھایا ہے اور بر سر اقتدار حکومتوں کو اس کا حل بھی بتایا ہے ۔ آج پانی کی قلت کی وجہ سے لوگ پریشان ہیں اور دہلی حکومت خواب خرگوش میں مبتلا ہے ۔ اہم شرکا میں ڈیلی گیٹ سید ناصر جاوید ، راجیندر پردھان ، انل شرما ، ونود شرما ، سرتاج احمد ، ریاض الدین راجو ، کے ایس کمل ، پرشورام راوت ، وجے پاٹھک ، نوشاد عالم ، نوین شرما ، نور احمد ، افسر خان ، شمیم خان ،مقصود جمال ،علائو الدین انصاری ،جرار احمد ، نوید رائو ، یوسف صدیقی ، جمیل ملک ، شاداب حسن ، ونود پر دھان ، خورشید بھاٹی ، مقبول بیگ ، محبوب ادریسی ، حاجی جمیل ، ضیا الدین ، مقیم انصاری ، محمد توحید ، حامد بھائی سید انصار کے نام شامل ہیں ۔
