33.1 C
Delhi
July 15, 2024
Hamari Duniya
Breaking News کھیل

یہ قدآور کھلاڑی ہوگا ممبئی انڈینز کا ہیڈ کوچ

MARK BOUCHER-MUMBAI INDIAN HEAD COACH

ممبئی(ایچ ڈی نیوز)۔
ممبئی انڈینز نے جنوبی افریقہ کے لیجنڈ کھلاڑی اور دنیا بھر میں اپنی وکٹ کیپنگ کیلئے مشہورمارک باؤچر کو اپنا ہیڈ کوچ مقرر کیا ہے۔ ان کی تقرری آئی پی ایل 2023 سے نافذ العمل ہوگی۔ مارک باو¿چر کا وکٹ کیپر، بلے باز کے طور پر طویل اور شاندار کیریئر رہا ہے۔ بحیثیت وکٹ کیپر، ان کے پاس ٹیسٹ میں سب سے زیادہ آو¿ٹ کرنے کا ریکارڈ ہے۔ ریٹائرمنٹ کے بعد، وہ جنوبی افریقہ میں اعلیٰ سطح کی کرکٹ فرنچائز ٹائٹنس کے کوچ کے طور پر کام کر رہے تھے۔ ان کے کوچ رہتے ٹیم نے پانچ گھریلو خطاب جیتے۔ 2019 میں، جنوبی افریقہ نے مارک باو¿چر کو ہیڈ کوچ مقرر کیا، جہاں ان کی قیادت میں ٹیم نے 11 ٹیسٹ، 12 ون ڈے اور 23 ٹی ٹوئنٹی میچوں میں جیت حاصل کی۔
ریلائنس جیو انفوکوم کے چیئرمین مسٹر آکاش ایم امبانی نے کہا، مجھے مارک باو¿چر کا ممبئی انڈینز میں خیرمقدم کرتے ہوئے بے حد خوشی ہوئی ہے۔ میدان پر ان کی کارکردگی غیر معمولی رہی ہے اور بطور کوچ اس نے اپنی ٹیم کو بہت سی فتوحات دلائی ہیں۔ مارک ایم آئی کے برانڈ اور میراث کو آگے بڑھائے گا
ممبئی انڈینز کے ہیڈ کوچ مارک باوچر نے اپنی تقرری کے موقع پر کہا کہ ممبئی انڈینز کے ہیڈ کوچ کے طور پر تقرری ایک اعزاز اور فخر کی بات ہے۔ ممبئی انڈینز کی کامیابیوں نے اسے دنیا بھر کے کھیلوں میں ایک کامیاب فرنچائز کے طور پر قائم کیا ہے۔ میں آنے والے ہر چیلنج کے لیے تیار ہوں۔ ممبئی انڈینز قیادت اور کھلاڑیوں کی ایک مضبوط یونٹ ہے اور میں اس یونٹ میں اپنا حصہ ڈالنے کے لیے تیار ہوں۔

Related posts

پرانے فتوے کو لیکر ایک مرتبہ پھر دارالعلوم دیوبند پر نشانہ

Hamari Duniya

‘بھارت ممکنہ طور پر عظیم قوت بن جائے گا’، مغربی ممالک اس تعلق سے سنجیدہ پیشن گوئیاں کر رہے ہیں: مارٹن وولف

Hamari Duniya

بھاجپا کی بوکھلاہٹ بھارت جوڑو یاترااور راہل گاندھی کی مقبولیت کا نتیجہ:طارق صدیقی

Hamari Duniya