بالی ووڈ میں دیوالی سے عین قبل کئی مشہور شخصیات ایک کے بعد ایک دیوالی پارٹی کا اہتمام کر رہی ہیں، آیوشمان کھرانہ ، کریتی سینن ، رمیش تورانی کے بعد اب بالی ووڈ کے مشہور فیشن ڈیزائنر منیش ملہوترا کا اس میں ایک اور نام شامل ہو گیا ہے۔
منیش ملہوترا نے اپنے گھر پر دیوالی کی شاندار پارٹی کا بھی اہتمام کیا ، جس میں کاجول ، ایشوریہ رائے ، روینہ ٹنڈن سے لے کر کئی بالی ووڈ ستاروں نے شرکت کی۔ اس دیوالی پارٹی کی کئی تصاویر سوشل میڈیا پر وائرل ہو رہی ہیں۔ منیش ملہوترا اس دوران بلیک پینٹ اور جیکٹ کے ساتھ نیلے رنگ کے کرتا میں بہت اسٹائلش نظر آئے۔ منیش ملہوترا کے قریبی دوست اور مشہور فلمساز کرن جوہر بھی پارٹی کا حصہ بنے۔ اس دوران کرن جوہر پیلے رنگ کا کرتا پائجامہ پہنے نظر آئے۔ معروف اداکارہ نیلم بھی اس دوران اداکارہ سکوینس ورک کا مرون رنگ والا سوٹ پہن کر پہنچیں۔ اداکار سدھارتھ ملہوترا نے اس دوران گولڈن ورک جیکٹ کے ساتھ نیلے رنگ کا کرتا پاجامہ پہن رکھا تھا ، جس میں وہ بہت ہینڈسم لگ رہے تھے۔ اداکارہ انوشا ڈانڈیکر بھی بے بی پنک کلر کے لہنگا میں نظر آئیں۔ وہیںاداکارہ کریتی سینن نے سفید رنگ کا جمپ سوٹ پہنے ہوئی تھیں۔ اداکار ورون دھون بھی کیزول لک میں کافی ڈیشنگ لگ رہے تھے۔ ایشوریا رائے گلابی رنگ کے شارارا سوٹ میں پہنچی جب کہ ابھیشیک سرخ رنگ کے کرتا پائجامہ میں ان کے ساتھ شامل ہوئے۔ دوسری جانب وکی کوشل نے کالی شیروانی کا انتخاب کیا۔ کترینہ ان کے ساتھ سادہ فیروزی رنگ کی ساڑھی میں نظر آئیں۔ مادھوری دکشٹ نے بھی اپنے شوہر سری رام نینے کے ساتھ پارٹی میں شرکت کی۔ان سب کے علاوہ کیارا اڈوانی ، سہانا خان ، شانایا کپور وغیرہ کو بھی پارٹی میں دیکھا گیا۔
