تحریک اوقاف عدالت کا دروازہ کھٹکٹھائے گی. شبیر احمد انصاری
نئی دہلی : تحریک اوقاف کے قومی صدر شبیر احمد انصاری نے آج اورنگ آباد میں منعقدہ پریس کانفریس میں صحافیوں سے خطاب کرتے ہوئے بتایا کہ کس طرح تحریک اوقاف گزشتہ آٹھ سالوں سے اوقاف کی زمینات کے تحفظ اور عوامی بیداری کے لیے کام کررہی ہے۔اس سلسلہ میں تحریک اوقاف کے وفد کے مہاراشٹر کے گورنر ودیا ساگر سے وقف جائیداد کے دوسرے سروے کا مطالبہ کیاتھا۔ جس پر گورنر نے ریاستی حکومت کواس مطالبہ پر فوری عمل کیاجائے اس طرح کے احکامات دیئے تھے۔
شبیر احمد انصاری نے یہ بھی کہا کہ ہم نے سابقہ وزیر اعلی دیویندرفرنڈویس سے ورشا بنگلہ پر وقف آراضی کے دوسرے سرورے اور دیگر مسائل جن میں ریاست میں اوقاف کے دفاتر کے قیام،ملازمین کی بھرتی کا مطالبہ کیاتھا۔ سابقہ وزیر اعلی نے تحریک اوقاف کے مطالبات کو سنجیدگی سے لیتے ہوئے مہاراشٹر وقف بورڈ پراپرٹی کے دوسرے سروے لیے 06کروڑ روپیے منظور کیے تھے اور پائلیٹ پروجیکٹ کے طورپر ضلع پونہ اور ضلع پربھنی میں موجود وقف پراٹی کا سروے کرنے کا G.R جاری کرتے ہوئے اس میں صاف طورپر لکھا تھا کہ یہ سروے دونوں اضلاع میں موجود اوقاف کی پراپرٹی پر جاکر کیاجائے چاہئے اس پر کسی کا قبضہ ہو یا کورٹ میں کیس چل رہا ہو۔
اس وقت کے اقلیتی امور وزیر ایکناتھ راو کھڑسے نے 13/04/2016اور 07/12/2016کو G.R.نکال کر اس میں واضح طور پر یہ کہا گیاکہ یہ دوسرا سروے کمشنر،سٹلمینٹ کمشنر اور ڈائیریکٹر سٹی سروے پونہ۔ایڈیشنل سروے کمشنراور ایڈیشنل کمشنر پونہ اور پربھنی کوواضح ہدایات دیں کہ (Boots of ground)بذات خودجاکر اس کی پیمائش کریں چائے ان پرناجائز قبضہ ہو یا اس کی کہیں اور جگہ ہو اس کا سروے کیا جائے،اسی طرح ایسی وقف پراپرٹی بھی جوکل میں شامل کرلی گئی ہوان کا بھی سروے کیاجائے۔
اس سلسلہ میں تحریک نے ریاستی اقلیتی امور کے پرنسپل سیکٹریری شیام یاگڑے سے ملاقات کر اس سروے میں تحریک اوقاف کو بطورمعاون شامل کیاجائے اس کاطرح کی درخواست کی گئی جس کو پرنسپل سیکٹریٹری نے قبول کرتے ہوئے منترالیہ میں ایک اہم میٹنگ منعقد کی جس میں تحریک اوقاف کے وفد کو مدعو کیاساتھ ہی دوسرے سروے سے متعلق تمام آفسران کو بھی ہدایات دیں کہ وہ بھی میٹنگ میں موجود رہیں۔
2002میں مہاراشٹر وقف پراپرٹی کا سروے ہوا تھا جس میں 91ہزار ایکڑزمین ہے اس طرح کی رپورٹ شائع کی گئی تھی۔ اس سروے کو تحریک اوقاف نے حکومت کی توجہ اس جانب مبذول کرائی کہ حکومت نے سروے کے لیے جو گائڈ لائن دی تھی اس کے مطابق سروے نہیں ہوا ہے اس لیے یہ سروے صحیح نہیں ہوا ہے۔پونہ ضلع میں تحریک اوقاف کے ممبران اپنے خرچ سے سروے کرنے میں تعاون کیاہے اسی طرح سے پربھنی میں مرحوم امان اللہ خان اور مرحوم رشید انجنئیرنے سروے میں تعاون کیاتھا۔
2017سے 2019تک تحریک اوقاف نے مسلسل سٹلمینٹ کمشنر،ایڈیشنل کمشنر پونہ پربھنی سے ملاقاتیں کیں اور باضابطہ تحریری طورپر لکھا کہ جو دوسرا سروے پائلٹ پروجیکٹ کے طورپر ہورہا ہے وہ حکومت کے دیئے گئے گائڈلائین کے تحت نہیں ہورہا ہے اور متعلقہ افسران ہماری باتوں پر کسی بھی قسم کی توجہ نہیں دے رہے ہیں۔ اس سلسلہ میں تحریک اوقاف کے وفد نے شیبر احمد انصاری کی قیادت میں پرنسپل سیکریٹری کو بتایاکہ جو سروے کے لیے جو گائڈ لائن دی گئی ہے اس کے مطابق سروے نہیں ہورہا ہے اس کی شکایت تحریریری طوردی۔اس پر پرنسپل سیکریٹری نے 12\11\2019کومنترالیہ میں سروے سے متعلق تمام افسران کی میٹنگ بلائی اور ان کوہدایت دی کہ جو سروے کیاہے جو حکومت کے ڈائریکشن پر وہ سروے نہیں ہوا ہے اس کے لیے دوبارہ سروے کیا جائے۔ اس کے بعد سے سروے سے جڑے افسران نے اس پائلٹ پروجیکٹ کو سرد خانہ میں ڈال دیا۔تحریک اوقاف کو یہ خدشہ ہے کہ یہ ادھورا سروے جو صرف مہاراشٹر کے دو ضلعوں کاپائلٹ پروجیکٹ کے طورپر ہونا تھا اور اس کی بنیاد پر تمام مہاراشٹرمیں موجود وقف پراپرٹی کا سروے ہونا تھا۔جو اب ہوتا ہوانظر نہیں آرہا ہے۔
تحریک اوقاف نے دیکھاکہ مسلسل سات سال سے محنت کرنے کے باوجود ریاستی حکومت اور سروے سے جڑے تمام افسران کے خلاف کورٹ کا دروازہ کھٹکھٹائے گی۔ تحریک اوقا ف اب پورے مہاراشٹرمیں اس کو ایک عوامی تحریک بناکر ان مطالبات پورا کرنے کے لیے ہر جمہوری طرز کواپناکر اسے حاصل کرنے کی کوشش کرے گی اور بہت جلد ممبئی کہ آزاد میدان پردھرنا دیاجائیگا۔اس طرح کی معلومات آل انڈیا مسلم او بی سی آرگنائزیشن اور تحریک اوقاف کے صدر شبیراحمد انصاری نے پریس کانفرنس میں دی۔ اس وقت مرزا عبدالقیوم ندوی،معین انعامدار،یوسف نظامی،غفران احمد انصاری،عبدالعظیم موجودتھے۔
