سال 2022 کی بلاک بسٹر فلموں میں شامل ایس ایس راجامولی کی”آر آر آر“ نے باکس آفس پر کمائی کا پہاڑ کھڑا کر دیا ہے۔ یہ یش اور پرشانت نیل کی کے جی ایف چیپٹر 2 کے بعد سال کی دوسری سب سے زیادہ کمائی کرنے والی ہندوستانی فلم ہے۔ اس نے حال ہی میں جاپان میں بھی کمائی کے جھنڈے گاڑ دیے ہیں۔ آر آر آر نے دنیا بھر میں باکس آفس پر تقریباً 1200 کروڑ روپے کا کلیکشن کیا ہے۔ اسے بھارت میں مارچ میں اور جاپان میں 21 اکتوبر کو ریلیز کیا گیا۔
’آر آر آر‘ جاپان میں بھی ریکارڈ توڑ کمائی کر رہا ہے۔ اس کے ساتھ ہی ’آر آر آر‘ جاپانی باکس آفس کے ٹاپ 10 چارٹ میں بھی شامل ہو گئی ہے۔ جاپان میں، اس فلم نے ایشیائی ملک میں کسی ہندوستانی فلم کے لیے اوپننگ ہفتے کے سب سے زیادہ کلیکشن کا ریکارڈ قائم کیا ہے۔ اس فلم نے جے پی وائی 73 ملین (بھارتی کرنسی میں تقریباً 4 کروڑ 7 لاکھ روپے) کمائے ہیں۔ حالانکہجاپان میں اب تک رجنی کانت 1995 کی مسالہ فلم متھو سب سے زیادہ کمائی کرنے والی ہندوستانی فلم ہے۔ اس نے 1998 میں جے پی وائی 400 ملین (22 کروڑ 30 لاکھ روپے) کا کلیکشن کیا تھا۔
