21.1 C
Delhi
February 14, 2025
Hamari Duniya
دہلی

چلتی ٹرین میں تین بے گناہوں کا قتل غیر انسانی اور مذموم عمل: جماعت اسلامی ہند

Malik Motasim

نئی دہلی،یکم جولائی(ایچ ڈی نیوز)۔
”انڈین ریلویز پروٹیکشن فورس (آر پی ایف)کے ایک کانسٹیبل کے ذریعہ چلتی ٹرین میں مسلم کمیونٹی سے تعلق رکھنے والے تین شہریوں اور آر پی ایف کے ایک آفیسر کو گولی مار کر موت کی نیند سلا دینا انتہائی قابل مذمت عمل ہے۔ میڈیا رپورٹ کے مطابق قتل کا جو طریقہ اختیار کیا گیا ہے، اس سے اندازہ ہوتا ہے کہ یہ نفرت پر مبنی ایک گھناو¿نا جرم تھا جس میں ملزم نے مسلمانوں سے مشابہت رکھنے والے مسافروں کو اپنا شکار بنایا اور انہیں گولی مار کر خون میں نہا دیا“۔

یہ باتیں نائب امیر جماعت اسلامی ہند ملک معتصم خاں نے میڈیا کو جاری اپنے ایک بیان میں کہی۔ انہوں نے کہا کہ ”ایسا لگتا ہے کہ یہ مسلمانوں کے خلاف منظم تشدد کے جو حملے کئے جاتے ہیں، اسی سلسلے کی ایک کڑی ہے۔ ہمارے ملک میں یہ ایک نیا معمول بنتا جارہاہے۔ طاقت و اقتدار کی جانب سے بنیاد پرستی اور پولرائزیشن کا ماحول پیدا کرنے کی جو کوشش کی جاتی ہے، یہ اسی کا افسوسناک نتیجہ ہے“۔ انہوں نے کہا کہ ” ایسا لگتا ہے کہ بھیانک جرائم کے مرتکب افراد کو خاص طور پر مسلمانوں کے خلاف نفسیاتی طور پر بیمار افراد کو استعمال کیا جارہا ہے تاکہ ایک مخصوص کمیونٹی پر بنیاد پرستی کے جو الزامات عائد ہورہے ہیں، انہیں روکا جاسکے۔ اس واقعے سے یہ سوال بھی پیدا ہوتا ہے کہ ذہنی طور پر بیمار، تنگ مزاج افراد بندوقوں سے کیسے لیس ہیں اور انہیں شہریوں کی حفاظت کی ذمہ داری کیسے سونپی گئی۔

حیران کن بات یہ ہے کہ ملزم قتل کے بعد وزیر اعظم اور یوپی کے وزیر اعلیٰ کی تعریف کرتا ہوا دیکھا گیا“۔ جناب ملک معتصم خان نے کہا کہ ” ملک میں اکثریت پسندی، تقسیم، نفرت اور پولرائزیشن کی جو پالیسی غیر ذمہ دار میڈیا، تفریق پیدا کرنے والی فلموں، لٹریچروں اور کتابوں کے ذریعہ اختیار کی گئی، یہ اسی کا نتیجہ ہوسکتا ہے۔ ہم محسوس کرتے ہیں کہ میڈیا کی مسلسل نفرت انگیزی اس طرح کے واقعات کی جڑ ہے۔ اس لئے میڈیا کو تحمل کے ساتھ اپنی ذمہ داریان نبھانی چاہئے۔ ہم ’آر پی ایف‘ سے مطالبہ کرتے ہیں کہ وہ متاثرین کے اہل خانہ کو معاوضہ دے اور ان کے رشتہ داروں کو مناسب روزگار فراہم کرے۔

Related posts

سیلم پور اسمبلی حلقہ کے چاروں وارڈوں میں بڑے پیمانے پر سبیلوں کا اہتمام

کانگریس کے قد آور لیڈر چودھری متین احمد اور بابر پور ضلع کانگریس کمیٹی کے صدر چودھری زبیر احمد نے سیلم پور وارڈ، موجپور وارڈ، گوتم پوری وارڈ، اور چوہان بانگر وارڈ میں بڑے پیمانے پر سبیلیں لگاکر خود اپنے ہاتھ سے لوگوں میں ٹھنڈا شربت روح افزا تقسیم کیا۔:

Hamari Duniya

یوم سر سید کے موقع پر غالب انسٹی ٹیوٹ نیشنل سر سید ایکسی لینس اوارڈ سے سرفراز

Hamari Duniya

وکست بھارت @2047ہندوستان کی ایک جامع پہل جنید حارث

Hamari Duniya