نئی دہلی(ایچ ڈی نیوز)۔
خدمتگار کمیٹی، دہلی(رجسٹرڈ) کی جانب سے آج موٹر مارکیٹ، جامع مسجد میں میونسپل کارپوریشن دہلی کے ہاو¿س ٹیکس ڈپارٹمنٹ کے تعاون سے لوگوں کی سہولت کے لیے ہاوس ٹیکس کیمپ کا انعقاد کیا گیا۔جس میں میونسپل کارپوریشن کے بازار سیتارام وارڈ کے ہاو¿س ٹیکس انسپکٹر دشینت چترویدی اور محکمہ کے افسران نے بڑی تعداد میں لوگوں کے ہاو¿س ٹیکس سے متعلق مسائل کو حل کیا اور لوگوں کو ہاو¿س ٹیکس سے متعلق مشکلات کو کم کرنے میں مدد کی۔
اس موقع پر لوگوں کو دہلی کارپوریشن کی خوشحالی 2022-23 اسکیم کے بارے میں جانکاری دی گئی جو 31 مارچ 2023 تک چلے گی۔ اس کیمپ سے علاقہ کے لوگوں کی بڑی تعداد نے استفادہ کیا۔اس موقع پر سابق کونسلر سیما طاہرہ، چاندنی چوک ضلع کانگریس کمیٹی کے جنرل سکریٹری حامد خان، خدمتگار کمیٹی کے جنرل سکریٹری محمد طاہر، چاندنی چوک ضلع کانگریس سیوادل کے جنرل سکریٹری محمد مجاہد، چاندنی چوک ضلع کانگریس سیوا دل کے عہدیداران موجود تھے۔ضلع کانگریس سیوددل کے صدر حاشر خان، محمد سبحان، عبدالرحمن، محمد ناصر اور محمد پرویز نمایاں طور پر موجود تھے۔
