جے پور، یکم اپریل (ایچ ڈی نیوز)۔
ریاستی حکومت 2008 کے جے پور سلسلہ وار بم دھماکوں کے کیس میں بری ہونے والے ملزمین کے خلاف سپریم کورٹ میں اسپیشل لیو پٹیشن (ایس ایل پی) دائر کرے گی۔ یہ فیصلہ جمعہ کی دیر رات وزیر اعلیٰ کی رہائش گاہ پر وزیر اعلیٰ اشوک گہلوت کی صدارت میں ہوئی ایک اعلیٰ سطحی میٹنگ میں لیا گیا۔
وزیر اعلیٰ نے کہا کہ2019 کے ضلع عدالت کے فیصلے کو پلٹتے ہوئے راجستھان ہائی کورٹ نے تمام ملزمان کو بری کر دیا ہے۔ انہوں نے کہا کہ ریاستی حکومت کا یہ ارادہ ہے کہ مجرموں کو سخت سے سخت سزا دی جائے، اس لیے ریاستی حکومت جلد ہی ہائی کورٹ کے فیصلے کے خلاف سپریم کورٹ میں اسپیشل لیو پٹیشن (ایس پی ایل) دائر کرے گی۔ ساتھ ہی وزیر اعلیٰ نے اس معاملے میں پیروی کے لئے مقرر ایڈیشنل ایڈوکیٹ جنرل راجندر یادو کی خدمات کو ختم کرنے کا فیصلہ کیا ہے۔
