نئی دہلی22ستمبر (ایچ ڈی نیوز)۔
بھارتیہ جنتا پارٹی کے رکن پارلیمنٹ رمیش بدھوڑی نے مسلم ممبرپارلیمنٹ کنوردانش علی کیلئے قابل اعتراض زبان استعمال کیا ہے۔انہوں نے کنور دانش علی کو ناصرف دہشت گرد کہا بلکہ بھدی گالیاں بھی دیں۔انڈین یونین مسلم لیگ دہلی پردیش کے جنرل سکریٹری شیخ فیصل حسن نے اس بیان کی سخت مذمت کرتے ہوئے کہا کہ مسلمانوںکے خلاف نازیباالفاظ استعمال کرنا بی جے پی کے کلچر کا لازمی حصہ ہے ۔مسلمانوں کے خلاف نفرت کو مرکزی دھارے میں شامل کیا گیا ہے جیسا کہ پہلے کبھی نہیں ہوا’’۔
انہوں نے بدھوڑی کے خلاف سخت کارروائی نہ کرنے پر ناراضگی کا اظہار کیا اور وزیر اعظم ہند اور لوک سبھا اسپیکر سے مطالبہ کیا ہے کہ انہیں لوک سبھا کی رکنیت سے خارج کیا جائے۔صرفیکارڈ سے بیان ہٹادینے سے کام نہیں چلے گا۔
