نئی دہلی، 22 جولائی(ایچ ڈی نیوز)۔
نوجوانوں کو روزگار سے جوڑنے اورانہیں بااختیار بنانے کی کوشش کے تحت وژن 2026 کےانوویشن اینڈ اسکل ٹریننگ سینٹرجامعہ نگرنے یوم آزادی کے موقع پرایک سہ ماہی ڈ یجیٹل مارکیٹنگ کورس کا اعلان کیا ہے۔ یہ کورس نوجوانوں کو ڈیجیٹل مارکیٹنگ کی مہارت سے آراستہ کرے گا ۔
اس کورس میں طلبا کو ڈیجیٹل مارکیٹنگ کے مختلف پہلوؤں بشمول سوشل میڈیا مارکیٹنگ، سرچ انجن آپٹی مائزیشن، کنٹینٹ مارکیٹنگ، ای میل مارکیٹنگ میں جامع تربیت دی جائے گی ۔ آئی ایس ٹی سی کے پروگرام کوآرڈینیٹرمحمد ابوذرنے بتایا کہ اس کورس کا مقصد نوجوانوں میں روزگار حاصل کرنے کی صلاحیت کو بڑھانا ہے تاکہ نوجواں وسیع ہوتی ڈیجیٹل دنیا سے فائدہ اٹھا سکیں اور نوجوان بااختیار بن سکیں ۔
اس کورس میں آن لائن www.istcenter.in رجسٹریشن شروع ہوچکا ہے جو 10 اگست 2023 تک جاری رہے گا، کل 40 نشستیں دستیاب ہیں ۔ وا ضح ہو کہ ISTC پہلے سے ہی اے این ایم اور کمپیوٹر کے کورس چلا رہا ہے جس میں بچوں کو 50 فیصد زائد پلیسمینٹ مل رہا ہے ۔ یہ تازہ ترین اقدام ٹیلنٹ کو پروان چڑھانا پیشہ ورانہ صلاحیتوں کو بڑھانا ہے ۔
