کولکاتہ،05نومبر(ایچ ڈی نیوز)۔
ورلڈکپ کا ایک اور میچ بھارت نے یک طرفہ مقابلے کے بعد جیت لیا، عالمی کپ ٹورنامنٹ کے 37ویں میچ میں جنوبی افریقہ کو 243 رنز سے شکست دیدی۔ ایڈن گارڈن میں کھیلے گئے مقابلے میں جنوبی افریقی ٹیم کو327رنوں کا ہدف دیا تھا۔ اس کے جواب میں جنوبی افریقہ کی پوری ٹیم27.1اوور میں محض 83رنوں پر ہی سمٹ گئی۔ افریقی ٹیم کا کوئی بھی بلے باز 20رن کا اعدادوشمار نہیں چھوسکا۔ جبکہ بھارت کی طرف سے رویندر جڈیجہ نے پانچ وکٹ لئے۔ جبکہ محمد شمی اور کلدیپ یادو نے 2-2وکٹ جھٹکے ۔
کولکاتہ کے ایڈن گارڈنز میں کھیلے جانے والے اس میچ میں کپتان روہت شرما نے ٹاس جیت کر پہلے بیٹنگ کرنے کا فیصلہ کیا۔گزشتہ میچز کی طرح آج بھی کپتان روہت شرما نے ٹیم کو اچھا آغاز فراہم کیا اور انہوں نے 24 گیندوں پر 40 رنز بنائے۔
بھارت کی پہلی وکٹ 62 جبکہ دوسری وکٹ 10.3 اوورز میں 93 رنز پر گری۔روہت شرما اور ش±بمن گِل کے آو¿ٹ ہونے کے بعد وراٹ کوہلی اور شریس ایئر نے شاندار پارٹنرشپ بنا کر بڑے ٹوٹل کی بنیاد رکھی۔ وراٹ کوہلی نے 121 گیندوں پر 101 رنز کی ناقابلِ شکست اننگز کھیل کر کیریئر کی 49ویں سنچری مکمل کی جبکہ شریاس ایّر 77 رنز بنا کر آو¿ٹ ہوئے۔ بھارت کی جانب سے دیگر کھلاڑیوں میں روہت شرما نے 40، شبھمن گل نے 23، سوریا کمار یادیو نے 22 جبکہ رویندرا جڈیجہ نے 29 رنز کی اننگز کھیلی۔
میزبان ٹیم نے مقررہ 50 اوورز میں 5 وکٹوں کے نقصان پر 326 رنز بنائے۔جنوبی افریقہ کی جانب سے لنگی اینگیڈی، مارکو یانسن، کگیسو رباڈا، تبریز شمسی اور کیشو مہاراج نے ایک ایک وکٹ لی۔ اس فتح کے ساتھ ہی بھارت 16 پوائنٹس کے ساتھ پہلی پوزیشن پر موجود ہے جبکہ جنوبی افریقہ کا دوسرا نمبر ہے۔ واضح رہے کہ دونوں ٹیمیں پہلے ہی ورلڈکپ سیمی فائنل کےلیے کوالیفائی کرچکی ہیں۔
