UN-Indiaنیویارک: اقوام متحدہ میں ہندوستان کی مستقل نمائندہ روچیرا کمبوج نے جمعرات کو کہا کہ بھارت کو یہ بتانے کی ضرورت نہیں ہے کہ جمہوریت پر کیا کیا جائے اور کیا نہیں۔بھارت نے جمعرات کو دسمبر مہینے کے لئے 15 ممالک کی اقوام متحدہ کی سلامتی کونسل کی صدارت اختیار کی۔ جس کے دوران وہ دہشت گردی کا مقابلہ کرنے اور کثیرجہتی میں بہتری پر پروگرام کی میزبانی کرے گا۔۔
انہوں نے کہا کہ ہندوستان جی -20 اور اقوام متحدہ کی سلامتی کونسل کی صدارت سمیت دنیا کے بڑے ممالک کی فہرست میں جگہ بنا رہا ہے۔ ہندوستان دنیا کی مشکلات کا حل لانے کے لیے تیار ہے اور ایسا کرنے کے لیے ہمیشہ تیار رہا ہے۔ خواہ وہ کورونا کا دور ہو یا کوئی اور عالمی مسئلہ، ہندوستان دنیا کی مدد کرنے میں کبھی پیچھے نہیں رہا۔
روچیرا سے جب یو این ایس سی میں اصلاحات اور سلامتی کونسل میں ہندوستان کی مستقل نشست کے بارے میں پوچھا گیا تو انہوں نے کہا کہ ہندوستان ایک ایسے ملک کے طور پر دنیا کے بڑے ممالک میں سے ایک بنتا جا رہا ہے جو سب کے لیے حل لانے کے لیے تیار ہے۔ ہماری خارجہ پالیسی کا مرکزی اصول انسانوں پر مرکوز ہے اور رہے گا۔
کمبوج نے کہا کہ ہندوستان یو این ایس سی میں طویل عرصے سے زیر التوا اصلاحات کے لیے سرکردہ آوازوں میں سے ایک رہا ہے اور اس لیے وہ یقینی طور پر ایک مستقل رکن کے طور پر اقوام متحدہ کی اعلیٰ ترین سطح پر مقام کا مستحق ہے۔
