نئی دہلی،15فروری(ایچ ڈی نیوز)۔
بھارتی کرکٹرٹیم کے اسٹار آل راونڈ ہاردک پانڈیا نے منگل کو اپنی اہلیہ نتاشا اسٹینکووچ سے پھر سے شادی کرلی۔ اس اسٹار جوڑی نے ادئے پور میں ویلینٹائن ڈے پر ایک رومانوی تقریب کے ساتھ پھر سے شادی کرنے کا فیصلہ کیا تھا۔
غورطلب ہے کہ آئی پی ایل ٹیم گجرات کے کپتان ہارد پانڈیا اور سربیا کی نتاشا نے کووڈ -19لاک ڈاون کے دوران شادی کے بندھن میں بندھنے سے پہلے ایک جنوری2020کو ایک کروز پر سگائی کی تھی۔ شادی کے بعد اس جوڑے کا ایک بیٹا ہے جس کا نام اگستیا ہے۔ وہ بھی اس شادی میں شریک تھا۔ ہاردک پانڈیا اور نتاشا اسٹینکووچ نے 2020ءمیں کورونا کے دوران کورٹ میرج کی تھی جس کے بعد اس ماہ ویلنٹائنز ڈے کے موقع پر دونوں نے دھوم دھام سے دوبارہ شادی کرنے کا فیصلہ کیا۔رپورٹس کے مطابق اس حوالے سے دلکش اور خوبصورت تقریب میں قریبی رشتے داروں اور دوستوں نے شرکت کی۔
ہاردک پانڈیا اور نتاشا اسٹینکووچ نے اپنی شادی کی تصاویر سوشل میڈیا اکاونٹس پر بھی شیئر کی ہیں۔
پانڈیا نے گجرات ٹائٹنس کو ان کے پہلے آئی پی ایل سیزن2022میں خطاب دلایا تھا۔ وہ حال ہی میں بھارتی ٹی20ٹیم کی قیادت کررہے ہیں۔ ایسی قیاس آرائیاں ہیں کہ پانڈیا کو جلد ہی ٹی 20ٹیم کا مستقل کپتان بنادیا جائے گا۔
