احمد آباد: گجرات کے موربی میں اتوار کی شام بڑا حادثہ پیش آیا۔ یہاں مچھو ندی پر بنا کیبل بریج کے اچانک ٹوٹ جانے سے کئی لوگ ندی میں گر گئے۔ موقع پر موجود گجرات کے پنچایت وزیر برجیش مریجا کے مطابق حادثہ میں تقریباً 90 لوگوں کی موت ہوچکی ہے۔ اور 70 افراد زخمی بتائے جارہے ہیں۔
جنہیں علاج کیلئے اسپتال میں داخل کرایا گیا ہے۔ بچے ہوئے لوگوں کو ندی سے نکالنے کیلئے ریسکو آپریشن چلایا جارہا ہے۔ اب 50 سے زیادہ افراد لاپتہ بتائے جارہے ہیں۔ پل کا کام مکمل ہونے کے بعد ابھی حال ہی میں اس کو چالو کیا گیا تھا۔
بتایا جارہا ہے کہ اس حادثے کے وقت پل ہر کافی بھیڑ موجود تھی۔ ریسکیو آپریشن میں مقامی لوگ بھی پولس انتظامیہ کی مدد کررہے ہیں۔این ڈی آر ایف کی دو ٹیمیں ریسکیو آپریشن میں شامل ہیں۔ حادثے کی شدت کو دیکھتے ہوئے فضائیہ نے گروڑ کمانڈو کی ٹیم موقع واردات پر بھیجی ہے۔ کئی لوگوں کے ڈوبنے کا امکان ظاہر کیا جارہا ہے۔
