واشنگٹن، 18 اگست ۔ کناڈا کی ایک خاتون کو عدالت نے سابق امریکی صدر ڈونالڈ ٹرمپ کو ان کے دور حکومت میں زہر آلود خط بھیجنے پر سزا سنائی ہے۔ مقامی میڈیا رپورٹس کے مطابق، ڈسٹرکٹ جج ڈابنی فریڈرک نے اس معاملے میں 56 سالہ پاسکل فیریئر کو 22 سال قید کی سزا سنائی۔ اسے سزا پوری کرنے کے بعد امریکہ سے ملک بدر کر دیا جائے گا۔ اگر وہ کبھی واپس آتی ہے تو اسے زندگی بھر نگرانی کا سامنا کرنا پڑے گا۔
جج فریڈرک نے خاتون کو بتایا کہ اس کے اعمال مضر اور معاشرے کے لیے نقصان دہ ہیں۔ میڈیا رپورٹس میں کہا گیا ہے کہ پاسکل فیریئر فرانس اور کینیڈا کی دوہری شہریت رکھتی ہیں۔ فیریئر نے عدالت کو بتایا کہ اسے افسوس ہے کہ اس کا منصوبہ ناکام ہو گیا۔ وہ خود کو ایک کارکن کے طور پر دیکھتی ہیں، دہشت گرد کی شکل میں نہیں۔ فیریئر کو ستمبر 2020 میں نیو یارک کے بفیلو میں سرحد عبور کرتے ہوئے گرفتار کیا گیا تھا۔ وہ بندوق، چاقو اور گولہ بارود لے جارہی تھی۔
قابل ذکر ہے کہ 2014 میں، مسیسیپی کے ایک شخص کو اس وقت کے صدر براک اوباما اور دیگر عہدیداروں کو ریکن پر مشتمل خطوط بھیجنے کے جرم میں 25 سال قید کی سزا سنائی گئی تھی۔
