33.1 C
Delhi
June 22, 2024
Hamari Duniya
Breaking News دہلی

چرچ آف نارتھ انڈیا دہلی ڈائیسیز کے بشپ منتخب ہوئے پادری ڈاکٹر پال سوروپ 

Delhi Church Bishop

نئی دہلی(ایچ ڈی نیوز)۔
چرچ آف نارتھ انڈیا (سی این آئی) دہلی ڈائیسیز کے نئے بشپ کے طور پرڈاکٹر پال سوروپ کو منتخب کیا گیا ہے۔ انہوں نے اپنے انتخاب پر خوشی کا اظہار کرتے ہوئے کہا ہے کہ وہ سب کو ساتھ لے کر انسانیت کی خدمت کے لیے کام کرتے رہیں گے۔سی این آئی میں بشپ کا دفتر ایک معزز مذہبی اور انتظامی سربراہ کا ہوتاہے۔ ہزاروں پیروکار اور بہت سے معزز ادارے ان کی سربراہی میں ہیں۔ جن میں سے ہر ایک پر ایک بشپ حکومت کرتا ہے۔دہلی ملک کی راجدھانی ہونے کی وجہ سے ایک اہم ریاست تصور کی جاتی ہے۔ یہاں کے بشپ کو سیاسی طور پر بھی کافی اہمیت دی جاتی ہے۔ دارالحکومت کے مشنریوں کے تمام بڑے اسکول، کالج،اسپتال وغیرہ چلانے کی ذمہ داری بھی بشپ پر ہی ہوتی ہے۔
پادری ڈاکٹر پال سوروپ ایک جنوبی ہندوستانی عیسائی ہیں۔ وہ سی این آئی کے سینئر پادری بھی ہیں اور اس حیثیت میں دہلی کے کئی گرجا گھروں میں خدمات انجام دے چکے ہیں۔ وہ ترکمان گیٹ پر واقع ہولی ٹرنٹی چرچ کے پادری بھی رہ چکے ہیں، جسے انگریزوں نے قائم کیا تھا۔ وہ اس وقت گرین پارک چرچ کے پادری ہیں۔ ان سے پہلے دہلی کے بشپ کی حیثیت سے پادری وارث مشین موجود تھے۔ انہوں نے اپنے انتخاب پر خوشی کا اظہار کرتے ہوئے کہا ہے کہ وہ سب کو ساتھ لے کر انسانیت کی خدمت کے لیے کام کریں گے۔ انہوں نے اپنی پوری زندگی انسانیت کی خدمت کے لیے وقف کردی۔ اس سلسلے میں ہولی ٹرنٹی چرچ کے سینئر ممبر سیمسن فریڈرک جوزف نے بشپ منتخب ہونے پر انہیں مبارکباد دیتے ہوئے کہا ہے کہ ہمیں امید ہے کہ بشپ کی حیثیت سے وہ چرچ کی جائیدادوں کی بہتر دیکھ بھال اور ترقی کے لیے کام کریں گے۔

Related posts

عازمین حج کیلئے خوشخبری، حج فارم جمع کرنے کی تاریخ میں توسیع

Hamari Duniya

ٹی 20عالمی کپ 2022کا فائنل:جانئے ملبورن کا تازہ اپ ڈیٹ

Hamari Duniya

آنجہانی کانگریس لیڈر رام بابو شرما کی 14ویں برسی پر خراج عقیدت

Hamari Duniya