Dr. Idris Qureshi:
دہلی ریاستی مجلس مشاورت نے بلڈوزر پر سپریم کورٹ کے فیصلے کا خیر مقدم کیا
نئی دہلی، 03 ستمبر: دہلی مسلم مجلس مشاورت کے قائم مقام صدر ڈاکٹر ادریس قریشی نے کل سپریم کورٹ کے اس فیصلے پر خوشی کا اظہار کیا ہے کہ کوئی بھی حکومت کسی فرد کے مکان پر بلڈوزر نہیں چلا سکتی ہے چاہے وہ شخص قصوروار ہی کیوں نہ ہو۔ ملک میں قانون کی بالا دستی ضروری ہے نہ کہ حکومت کی منمانی چلے گی؟
Dr. Idris Qureshi:
ڈاکٹر ادریس قریشی نے اس پر سخت افسوس کا اظہار کیا کہ نتیش رانے جیسے لوگ کھلے عام ایک پوری قوم کو دھمکی دے رہے ہیں اور سرکار ان کے خلاف کوئی کاروائی نہیں کر رہی ہے وہ صرف نفرت پھیلا رہے ہیں اور حکومت اور عوام کے منتخب نمائندے جو کہ قانون کی قسم لیکر عہدوں پر فائز ہیں خاموشی اختیار کر رکھی ہے کیوں؟ وہ کھلے طور پرقانون کی دھجیاں اڑا رہے ہیں اور حکومت ان کے خلاف کوئی کاروائی نہیں کر رہی ہے۔ قائم مقام صدر ڈاکٹر ادریس قریسی نے مطالبہ کیا کہ ایسے لوگوں کے خلاف حکومت قانونی کارروائی کرے تاکہ سماجی تانا بانا برقرار رہے۔
Dr. Idris Qureshi:
ڈاکٹر ادریس قریشی نے وقف ترمیمی بل کو بھی فوری طور پر واپس لینے کی سرکار سے اپیل کی ہے۔ انہوں نے کہا کہ سرکار کو چاہئے کہ وہ عوام کے مذہبی عقائد میں دخل اندازی نے کرے اور ان کے جذبات کو سمجھنے کی کوشش کرے، کسی ایک فرد نے تنہااس طرح کی مطالبہ نہیں کیا تھا پھر حکومت کو وقف بل لانے کی ضرورت آخر کیوں پڑ گئی؟ اگر حکومت کو ملک کی ترقی کرنا چاہتی ہے توملک میں امن وامان برقراررکھنے کی اشد ضرورت ہے۔
