ممبئی:بالی ووڈ کے سینئر اداکار دھرمیندرا کا نام جوانی کے دنوں میں ساتھی اداکاراوں کے ساتھ تعلقات کی خبریں میڈیا کے توجہ کا مرکز بنا۔اسی میں سے ایک نام مینا کماری کا بھی تھا۔مداح یہ بات تو اچھی طرح سے جانتے ہیں کہ دھرمیندرا ہمیشہ سے ہی شوبز انڈسٹری کی خواتین کے درمیان کافی مقبول رہے ہیں۔یہاں تک کہ انہوں نے اپنی پہلی بیوی پرکاش کور سے علیحدگی اختیار کرکے فلم انڈسٹری میں ڈریم گرل کے نام سے مشہور ہیما مالنی سے دوسری شادی بھی کی۔لیکن ہیما مالنی سے محبت ہونے سے پہلے دھرمیندر کے اپنی ساتھی اداکارہ مینا کماری کے ساتھ تعلقات کی خبریں منظرِ عام پر آئی تھیں۔
جس کے بعد میڈیا پر یہ خبر بھی سامنے آئی کہ ان دونوں کے درمیان تعلقات کی خبریں سامنے آنے کی وجہ سے ہی دھرمندر کی جگہ راج کمار کو بلاک بسٹر فلم ’پاکیزہ‘ میں کاسٹ کیا گیا۔اس حوالے سے دھرمندر نے اپنے ایک انٹرویو میں کہا کہ’کچھ لوگ مجھ سے جلتے ہیں، مجھے مینا کماری سے محبت نہیں تھی، وہ ایک بہت بڑی اسٹار تھیں اور میں ان کا مداح تھا، اب پرستار اور ایک نامور اداکار کے رشتے کو اگر محبت کہتے ہیں تو آپ اسے محبت ہی سمجھ لیں۔
یاد رہے کہ فلم ’پاکیزہ‘ بالی ووڈ کی کامیاب ترین فلموں میں سے ایک ہے، جس کی شوٹنگ مکمل ہونے میں تقریباً 12 سال لگے تھے۔ اس فلم میں اداکار راج کمار اور مینا کماری مرکزی کرداروں میں اسکرین پر ساتھ نظر آئے تھے جسے شائقین کی جانب سے بہت پسند کیا گیا تھا۔
