22.9 C
Delhi
February 9, 2025
Hamari Duniya
Breaking News قومی خبریں

شرپسندوں کے ذریعہ ماحول خراب کرنے کی کوشش،دیوبند میں چپے چپے پر پولس فورس تعینات

Deoband

دیوبند،28 فروری(رضوان سلمانی ایچ ڈی نیوز)
جمعیة علماءہند کے دہلی میں منعقد ہوئے اجلاس میں حضرت آدم اور منو کو ایک بتانے اور اللہ و اوم کی تشبیہ دیئے جانے سے ناراض سوامی یشویر مہاراج کے ذریعہ آج 28 فروری کو دارالعلوم دیوبندپہنچ کر جمعیة علماءہند کے قومی صدر مولانا سید ارشدمدنی سے مناظرہ کرنے کے اعلان کے بعد سہارنپور اور مظفرنگر پولیس کافی الرٹ رہی، دیوبند میں منگل کی صبح سے ہی تمام مخصوص مقامات پر کافی تعداد میں پولیس فورس تعینات کی گئی تھی،حالانکہ دوپہر بعد جیسے ہی سوامی مظفرنگر دیوبند کے لئے روانہ ہوئے تو انہیں حامیوں سمیت وہیں روڑکی روڈ پر پولیس نے روک لیا اور دیوبند آنے کی اجازت نہیں دی گئی۔12 فروری کو جمعیة علماءہند کے دہلی اجلاس میں مولانا سید ارشد مدنی کے بیان کے بعد سوامی یشویر مہاراج نے28 فروری کو دیوبند پہنچ کر مولانا مدنی کو دارالعلوم دیوبند میں بحث کا چیلنج کیا تھا، جس کی وجہ سے کسی بھی ناخوشگوار واقعہ سے نمٹنے کے لئے انتظامیہ کی جانب سے منگل کو ریاستی شاہراہ سمیت دارالعلوم کے علاقے میں بڑی تعداد میں پولیس فورس کو تعینات کیا گیا تھا۔
یہ مناظرہ کا چیلنج گزشتہ کئی دنوں سے سوشل میڈیا پر وائر ل ہورہا تھا، جس کے باعث انتظامیہ کافی ہائی الرٹ رہی۔ دارالعلوم چوک سے لے کر خانقاہ پولیس چوکی تک اور اسٹیٹ ہائی وے کے کئی چوراہوں پر اور گیسٹ ہاو¿س کو آس پاس بڑی تعداد میں پولیس فورس تعینات کی گئی تھی۔ لیکن سوامی یشویر مہاراج کے حامیوں کو اس وقت مایوسی ہوئی جب پولیس نے انہیں مظفر نگر میں ہی روک لیا۔

واضح رہے کہ کئی ہندو تنظیموں کے ساتھ گزشتہ دو روز قبل مظفرنگر یوگ سادھنا یشویر آشرم کے مہنت یشویر سرسوتی مہاراج نے بھی مولانا مدنی کے بیان کی مخالفت کرتے ہوئے اعلان کیا تھا کہ یا تو مولانا مدنی اپنے بیان کے لیے سناتن دھرم کے لوگوں سے کھلے عام معافی مانگیں، یا پھر مولانا مدنی اپنے بیان سے متعلق ثبوت پیش کریں۔انہوں نے کہا کہ تھا کہ وہ دیوبند میں واقع دارالعلوم پہنچیں گے اور مولانا مدنی کو وہاں تمام انتظامات کرنے ہوں گے، وہ مناظرہ کے لیے وہاں جائینگے۔ یشویر سرسوتی مہاراج نے میڈیا کے نمائندوں سے خطاب کرتے ہوئے کہا کہ تھا مولانا ارشد مدنی نے دہلی کے رام لیلا میدان میں ایک بڑی سازش کے تحت سناتن دھرم کے خلاف بول کر سناتن دھرم کی توہین کی ہے۔ اس دوران انہوں نے مولانا مدنی کو خط لکھ کر ان سے 9 سوالات پوچھے تھے اور مولانا ارشد مدنی سے ان 9 سوالوں کے جواب مانگے ہیں۔

Related posts

ابو ظہبی ٹی – 10 میں بنگلہ ٹائیگرز کی کمان سنبھالیں گے شکیب الحسن

Hamari Duniya

بی جے پی اقلیتی مورچہ کا 2024 لوک سبھا انتخابات میں مسلمانوں تک پہنچنے کیلئے خاکہ تیار

Hamari Duniya

طبیہ کالج، قرول باغ، نئی دہلی کو حکیم اجمل خاں ڈیمڈ یونانی یونیورسٹی میں تبدیل ہونے تک جدوجہد جاری رہے گی

Hamari Duniya