نئی دہلی، 11 جنوری ۔ دہلی اسمبلی انتخابات سے عین قبل کانگریس کو بڑا جھٹکا لگا ہے۔ کستوربا نگر کے کوٹلہ مبارک پور وارڈ سے دہلی مہیلا کانگریس کی سینئر نائب صدر پرینکا اگروال ہفتہ کو عام آدمی پارٹی (آپ) میں شامل ہوگئیں۔ عام آدمی پارٹی کے قومی کنوینر اروند کیجریوال نے پرینکا اگروال کو پٹکا اور ٹوپی پہنا کر آدمی پارٹی کی رکنیت دی اور ان کے مستقبل کے لیے نیک خواہشات کا اظہار کیا۔
اس دوران اروند کیجریوال نے کہا کہ عام آدمی پارٹی پوری طاقت کے ساتھ دہلی الیکشن لڑ رہی ہے۔ پرینکا اگروال کو عام آدمی پارٹی کے خاندان میں خوش آمدید۔ ان کی آمد سے کستوربا نگر اسمبلی سمیت پوری دہلی میں عام آدمی پارٹی مضبوط ہوگی۔
