33.1 C
Delhi
July 15, 2024
Hamari Duniya
Breaking News دہلی

بلی ماران کے سرکاری اسکولوں کو سنوارنے میں مصروف ہیں وزیر عمران حسین

نئی دہلی،(ایچ ڈی نیوز)۔
دہلی کے فوڈ اینڈ سیول سپلائیز کے وزیر اور ایم ایل اے بلی ماران اسمبلی حلقہ عمران حسین نے آج ڈی ڈی ای سنٹرل، ڈی ڈی ای نارتھ، ڈی ڈی زون (تعلیم) اور حلقہ کے مختلف سرکاری اسکولوں کے سربراہوں کے ساتھ ایک جائزہ میٹنگ کی۔ جائزہ میٹنگ میں دہلی اربن شیلٹر امپروومنٹ بورڈ(ڈوسیب) اور پی ڈبلیو ڈی کے افسران نے بھی شرکت کی۔ اس دوران وزیر عمران حسین نے اسکول کے بچوں کو فراہم کی جانے والی سہولیات اور اسکولوں میں جاری کام کی پیش رفت کا جائزہ لیا۔ وزیر نے تعلیمی نظام کو مضبوط بنانے کے لیے متعلقہ حکام سے اسکول کے نئے جدید کلاس رومز اور ضروری انفراسٹرکچر کی جلد از جلد مکمل کرنے کی ہدایت دی
اجلاس کے دوران وزیر عمران حسین نے کہا کہ بین الاضلاع رابطوں کے فقدان کی وجہ سے نئے کلاس رومز کی تعمیر کے منصوبوں میں تاخیر نہیں ہونی چاہیے۔ انہوں نے کہا کہ تمام متعلقہ افسران کا اجلاس بلایا جائے تاکہ بین الاضلاع اعتراضات کو دور کیا جا سکے اور غیر ضروری تاخیر سے بچا جا سکے۔
اجلاس میں محکمہ ڈوسیب کے حکام نے وزیر عمران حسین کو بتایا کہ عیدگاہ کے سامنے خالی اراضی کی منتقلی سے متعلق فائل ایل جی ہاؤس بھجوائی جارہی ہے جہاں نیا اسکول تعمیر کیا جانا ہے۔
دریں اثناء وزیر تعلیم عمران حسین نے محکمہ تعلیم کی کوششوں کی تعریف کی جن کی انتھک کوششوں سے چشمہ بلڈنگ اسکول نرسری ونگ شروع کرنے میں کامیاب ہوا، جس سے طلباء کو بہت فائدہ ہو رہا ہے۔
وزیر عمران حسین نے سرکاری اسکولوں کے طلباء کی ہنر مندی کے لئے پیشہ ورانہ تربیت کی ضرورت پر بھی زور دیا تاکہ سرکاری اسکولوں کے طلباء بھی مستقبل میں خود روزگار بن سکیں۔ وزیر عمران حسین کو بتایا گیا کہ علاقے میں پرائیویٹ اسکولوں کے مقابلے سرکاری اسکولوں میں بچوں کی زیادہ تعداد داخل ہو رہی ہے۔ اس دوران وزیر عمران حسین نے دہلی حکومت کے محکمہ تعلیم کی گزشتہ سات سالوں کے دوران کئے گئے بہترین کاموں اور کامیابیوں کی بھی تعریف کی۔ انہوں نے کہا کہ پچھلے کچھ سالوں میں دہلی کا تعلیمی ماڈل ملک میں ایک معیار بن گیا ہے اور اسے ملک اور بیرون ملک میں بھی سراہا جا رہا ہے۔

Related posts

باندہ میں المناک کشتی حادثہ، 11 لاشیں برآمد، سرچ آپریشن جاری

Hamari Duniya

قطر اور فرانس کے درمیان سرمایہ کاری کیلئے بہت بڑا معاہدہ

Hamari Duniya

امام اور موذن صاحبان کے لیے ‘مفت کمپیوٹر کورس’ کے دوسرے بیچ میں داخلے کا اعلان

Hamari Duniya