دہلی/چندی گڑھ ہائی وے پر تراوڑی کے نزدیک سڑک حادثہ ،دونوں متوفی نوجوان پنجاب کے پٹھان کوٹ سے لیچی سے بھری پک اپ گاڑی دہلی منڈی میں فروخت کرنے جا رہے تھے۔
کیرانہ:29جون(عظمت اللہ خان/ایچ ڈی نیوز)ہریانہ میں دہلی/چندی گڑھ ہائی وے پر سڑک حادثے میں لیچی کاروباری قصبہ کا ایک نوجوان اپنے ساتھی سمیت ہلاک ہوگیا۔ دونوں متوفی نوجوان پنجاب کے پٹھان کوٹ سے پک اپ گاڑی میں بازار میں لیچی بیچنے دہلی جا رہے تھے۔
کرنال(ہریانہ) کے تراواڑی میں پنکچر ہونے والی پک اپ گاڑی کا ٹائر تبدیل کرنے کے دوران لوہے سریے سے لدا تیز رفتار ٹرالا(ٹرک) نے دونوں نوجوانوں کو کچل دیا۔ واقعہ سے متوفی کے اہل خانہ میں کہرام مچ گیا۔
واضح رہے کہ قصبہ کے محلہ ریتے والا کے رہائشی شریف باغبان کے بیٹے عمران (45) نے پنجاب کے پٹھان کوٹ میں لیچی کا باغ ٹھیکے پر لیا تھا۔ بدھ کی شام دیر گئے، عمران اپنے دوست جتیندر (35) کے ساتھ برجا ضلع الور، راجستھان کے رہنے والے، لیچی سے بھری پک اپ کار میں دہلی جا رہے تھے۔ جیسے ہی وہ دہلی-چندی گڑھ ہائی وے پر واقع کرنال کے تراوڑی پہنچے، صبح تقریباً 3 بجے ان کی گاڑی کا ٹائر پنکچر ہو گیا۔بتایا جاتا ہے کہ دونوں نوجوانوں نے پک اپ گاڑی ہائی وے کے کنارے کھڑی کی اور پنکچر ٹائر بدلنا شروع کر دیا۔ اسی دوران پیچھے سے آنے والی لوہے کے سریوں سے بھرے تیز رفتار ٹرالے نے ٹائر بدلنے والے دونوں نوجوانوں کو کچل دیا۔ حادثے میں دونوں نوجوان موقع پر ہی دم توڑ گئے۔ ٹرالے سے ٹکرانے کے باعث لیچی سے بھری پک اپ گاڑی بھی سڑک پر الٹ گئی۔ حادثہ کے بعد ملزم ڈرائیور ٹرالا چھوڑ کر موقع سے فرار ہو گیا۔ اطلاع ملنے پر مقامی پولیس نے موقع پر پہنچ کر دونوں نوجوانوں کی لاشوں اور ٹرالے کو اپنی تحویل میں لے لیا۔ واقعہ کی اطلاع ملتے ہی متوفی کے لواحقین بھی روتے ہوئے موقع پر پہنچ گئے۔ہریانہ پولیس نے دونوں لاشوں کا پنچنامہ بھرنے کے بعد انہیں طبی جانچ کے لیے بھیج دیا۔مرحوم عمران آٹھ بچوں کا باپ بتایا جاتا ہے ،جن میں چھ لڑکیاں اور دو لڑکے شامل ہیں۔ مقتول کی تین بیٹیاں شادی شدہ ہیں۔ متوفی کے لواحقین میں کھلبلی مچ گئی، دوسری جانب مقتول عمران کی میت جمعہ کی صبح پوسٹ مارٹم کے بعد کیرانہ پہنچ، نماز جنازہ مدرسہ اشاعت الاسلام میں ادارہ کے مہتمم مولانا برکت اللہ امینی نے ادا کرائی ، مرحوم کو آبائی قبرستان(تکیہ باغبان) میں سپرد خاک کیا گیا۔
