نئی دہلی(ایچ ڈی نیوز)۔
کانگریس پارٹی میں ایک نئے دور کا آغاز ہوا ہے۔ کانگریس پارٹی کو 24 سال بعد غیر گاندھی صدر ملا ہے۔ حال ہی میں ختم ہونے والے صدارتی انتخابات میں پارٹی کے سربراہ منتخب ہونے والے ملکارجن کھڑگے نے کانگریس کی باگ ڈور سنبھال لی ہے۔ ملکارجن کھڑگے کی تاجپوشی کے لیے کانگریس ہیڈکوارٹر میں منعقدہ پروگرام میں پارٹی کی طویل عرصہ تک صدررہیں سونیا گاندھی ، راہل گاندھی کے ساتھ ساتھ کئی قدآور رہنما بھی موجود رہے۔
ملکارجن کھڑگے رسمی طور پر کانگریس کی کمان سونپنے کے بعد سونیا گاندھی نے پروگرام سے خطاب کرتے ہوئے پارٹی کے سامنے درپیش چیلنجوں پر بات کی اور نئے صدر کو مبارکباد بھی دی۔ سونیا گاندھی نے کہا کہ میں ملکارجن کھڑگے کو صدر بنا کر راحت محسوس کر رہی ہوں۔ سونیا گاندھی اپنے تعاون اور حمایت کے لیے انہوں نے کانگریس کارکنوں کا شکریہ بھی ادا کیا۔
