نئی دہلی،25 اگست (ایچ ڈی نیوز)۔
کانگریس کے رکن پارلیمنٹ اور آل انڈیا کانگریس کمیٹی اقلیتی شعبہ کے قومی صدر عمران پرتاپ گڑھی کو ٹوئٹر پول کے مطابق بھارت کا مقبول ترین مسلم رہنما قرار دیا گیا ہے۔ٹویٹر پر للن پوسٹ کے ذریعے کرائے گئے پول میں کل 37,065 شرکاءنے حصہ لیا جس میں صارفین سے کہا گیا کہ وہ اس وقت بھارت کے سب سے ممتاز مسلم سیاسی رہنما کو ووٹ دیں، جس میں کانگریس رہنما عمران پرتاپ گڑھی نے 57.1 فیصدووٹ حاصل کرکے پہلے نمبر پر اور اسد الدین اویسی نے 42.2 فیصد ووٹ حاصل کر کے دوسرے نمبر پر رہے۔آج کی پریس ریلیز کے ذریعے یہ بھی بتایا گیا کہ بدرالدین اجمل کو 0.5 فیصد اور ایم قادر محی الدین کو 0.1 فیصد ووٹ ملے۔
واضح رہے کہ عمران پرتاپ گڑھی سیاست میں آنے سے پہلے ملک بھر میں ایک شاعر کے طور پر کافی مشہور تھے۔ اور وہ حکومت مخالف اوربی جے پی کے خلاف اپنے شعر کے ذریعہ تنقید کا نشانہ بنایا کرتے تھے۔ جو ان کی مقبولیت کی وجہ بھی بنی۔ سیاست میں آنے کے بعد بھی وہ مسلسل مسلمانوں کے مسائل کافی زور وشور سے اٹھاتے ہیں۔
