نئی دہلی، 12 مئی (ایچ ڈی نیوز)۔
کرناٹک میں پولنگ کے بعد کانگریس کے سینئر لیڈر جے رام رمیش نے کہا کہ ان کی پارٹی ریاست میں حکومت بنانے جا رہی ہے۔ رمیش نے جمعہ کے روز کہا کہ تمام ایگزٹ پول کانگریس کو آگے دکھا رہے ہیں۔ ابھی تک کسی ایگزٹ پول نے بھارتیہ جنتا پارٹی (بی جے پی) کو اکثریت نہیں دی ہے۔ کانگریس نے کرناٹک کے علاقائی مسائل کو ترجیحی بنیادوں پر اٹھانے کی کوشش کی۔ ہم حکومت ضرور بنائیں گے۔
قابل ذکر ہے کہ ماضی میں بھی رمیش نے اپنے بیان میں کہا تھا کہ اگر کرناٹک میں کانگریس جیتتی ہے تو یہ اس کے لیے ‘سپر بوسٹر ڈوز’ ثابت ہوگا۔ اس کا اثر تلنگانہ، راجستھان، چھتیس گڑھ، مدھیہ پردیش اور میزورم کے اسمبلی انتخابات میں بھی نظر آئے گا۔ کرناٹک میں 224 اسمبلی سیٹوں کے لیے 10 مئی کو ووٹنگ ہوئی۔ ووٹوں کی گنتی ہفتہ کوہونا طے ہے۔ اس سے پہلے دونوں بڑی پارٹیاں بی جے پی اور کانگریس اپنی اپنی جیت کا دعویٰ کر رہی ہیں۔
