36.1 C
Delhi
May 21, 2024
Hamari Duniya
Breaking News دہلی

ستیندر جین کو وزیر کے عہدے سے  ہٹایا جائے: کانگریس کا مطالبہ

Alka Lamba

نئی دہلی،(ایچ ڈی نیوز)۔
عام آدمی پارٹی (اے اے پی) کے رہنما اور وزیر ستیندر جین کا جیل کے اندر مساج دیے جانے کا ویڈیو وائرل ہونے کے بعد کانگریس نے عآپ سے جین کو عہدے سے ہٹانے کا مطالبہ کیا ہے۔کانگریس کی قومی ترجمان الکا لامبا نے منگل کو پارٹی ہیڈکوارٹر میں منعقدہ ایک پریس کانفرنس کے دوران کہا کہ جیل میں بند عآپ لیڈر ستیندر جین کا ایک ویڈیو وائرل ہو رہا ہے جس میں وہ ایک شخص سے مساج کرواتے نظر آرہے ہیں۔

جس شخص سے وہ مساج کروا تے نظر آ رہے ہیں، وہ ایک نابالغ لڑکی کی عصمت دری کے جرم میں سزا کاٹ رہا ہے۔ دہلی کے وزیر اعلی اروند کیجریوال کو اس معاملے پر جواب دینا چاہیے۔الکا نے کہا کہ عآپ کی آٹھ خواتین ایم ایل اے اور دہلی ویمن کمیشن کو بھی اس معاملے پر اپنی رائے دینی چاہیے۔ یہ کوئی عام بات نہیں ہے۔ انہوں نے کہا کہ جس طرح سے جیل کے اندر جین کی سہولت کے لیے اصول و ضوابط کو توڑا جا رہا ہے، وہ ملک کے مفاد میں نہیں ہے۔ اس کے لیے مرکزی اور ریاستی حکومتیں دونوں ذمہ دار ہیں۔
پریس کانفرنس کے دوران الکا نے کیجریوال سے پوچھا کہ کیا وہ اب بھی ستیندر جین کے لیے بھارت رتن کا مطالبہ کریں گے یا انہیں عہدے سے ہٹا ئیں گے؟
قابل ذکر ہے کہ گزشتہ دنوں دہلی کے وزیر اعلی اروند کیجریوال نے کہا تھا کہ ستیندر جین نے ملک کو محلہ کلینک دیے ہیں۔ ایسے شخص کو بھارت رتن ملنا چاہیے لیکن مرکزی حکومت نے انہیں جیل میں ڈال دیا ہے۔

Related posts

سابق تجربہ کار کا چیئرمین پی سی بی کو جواب، روہت اور ویرات کو پاکستان لیگ میں بھیج دیا، پھر بھی پیسے نہیں اٹھا سکیں گے

Hamari Duniya News

ملک سلمان انٹرنیشنل اکیڈمی برائے فرو غ عربی زبان کے وفد کی جامعہ اسلامیہ سنابل میں آمد

Hamari Duniya

قطر میں ورلڈ کپ دیکھنے والے شائقین کوشاندار تحفہ

Hamari Duniya