33.1 C
Delhi
May 20, 2024
Hamari Duniya
Breaking News فلمی دنیا

مشہور کامیڈین راجو شریواستونہیں رہے

Raju Srivastava

نئی دہلی(ایچ ڈی نیوز)
ملک کے مشہورو معروف کامیڈین اور اترپردیش فلم ڈیولپمنٹ کونسل کے صدر راجو شریواستو کابدھ کو انتقال ہوگیا۔وہ 10اگست کو کارڈیک اریسٹ کے بعد سے ایمس میں داخل تھے۔ راجو شریواستو 58 سال کے تھے۔ انہیں اس وقت کارڈیک اریسٹ آیا تھا، جب وہ دہلی کے ایک جم میں ایکسرسائز کررہے تھے۔ اس کے بعد سے پورا ملک ان کی صحت یابی کے لیے دعائیں کر رہا تھا۔
وزیراعظم نریندرمودی، وزیردفاع راجناتھ سنگھ، یوپی کے وزیراعلیٰ یوگی آدتیہ ناتھ، اکھلیش یادو سمیت تمام بڑے رہنماو¿ں فلمی دنیا کی شخصیات نے راجو شریواستو کے انتقال پر تعزیت کا اظہار کیا ہے۔ راجو شریواستو کی اہلیہ، بیٹا اور بیٹی دہلی ایمس میں پہنچ گئے ہیں، بتایا جارہا ہے کہ راجو شریواستو کی آخری رسومات کل دہلی میں کیا جائے گا۔راجو شری واستو کے سالے نے بتایا کہ بدھ کی صبح ان کا بلڈ پریشر کم ہوگیا تھا۔ اس کے بعد انہیں سی پی آر دیا گیا۔ پہلے انہوں نے رسپانڈ کیا، لیکن بعد میں موت ہوگئی۔ دو تین دن میں انہیں وینٹی لیٹر سے ہٹایا جانا تھا۔ ان کی دوائیوں کی دوز بھی کافی کم کردی گئی تھی۔
راجو شرویواستو اترپردیش کے کان پور میں25دسمبر1963کو پیدا ہوئے تھے۔ بچپن میں ان کا نام ستیہ پرکاش شری واستو تھا۔ راجو کو بچپن سے ہی ممکری اور کامیڈی کا بہت شوق تھا، راجو کو کامیڈی شو دی گریٹ انڈین لافٹر چیلنج سے پہنچان ملی تھی۔ اس شو سے ملی کامیابی کے بعد راجو نے کبھی پیچھے مڑ کر نہیں دیکھا۔ راجو شری واستو نے 1993میں شکھا سریواستو سے شادی کی تھی، ان کے دو بچے تھے۔
وہ 1980 کی دہائی سے تفریحی دنیا میں سرگرم رہے ہیں۔ انہیں 2005 میں اسٹینڈ اپ کامیڈی شو ”دی گریٹ انڈین لافٹر چیلنج“ کے پہلے سیزن میں حصہ لینے کے بعد کافی مقبولیت ملی تھی۔ انہوں نے ”میں نے پیار کیا“، ”بازیگر“، ”بامبے ٹو گوا“ (ریمیک) اور ”ا?مدنی اٹھنی خرچہ روپیہ“ جیسی فلموں میں بھی کام کیا ہے۔

Related posts

طب یونانی اور اردو لازم و ملزوم ہیں: پروفیسر احتشام الحق قریشی

Hamari Duniya

بی جے پی اقلیتی مورچہ کے قومی صدر جمال صدیقی دو روزہ انتخابی دورے پر کیرالہ پہنچے

Hamari Duniya

مہاراشٹر میں آپریشن لوٹس جاری ہے، کانگریس کا ایک اور بڑا لیڈر پارٹی کو چھوڑ گیا

Hamari Duniya