شملہ،22اکتوبر(ایچ ڈی نیوز)۔
تیز گیند باز محمد شمی اور پھر رن چیزماسٹر وراٹ کوہلی کے میجک کے دم پر بھارتی ٹیم نے انٹرنیشنل کرکٹ کونسل (آئی سی سی) ورلڈکپ 2023ءکے 21ویں میچ میں بھارت نے اپنے جیت کے رتھ کو برقرار رکھا ہے۔اور نیوزی لینڈ کو 4 وکٹوں سے شکست دے کر پوائنٹس ٹیبل کی پہلی پوزیشن پر قبضہ جمالیا۔
بھارتی ٹیم نے ٹورنامنٹ کا اپنا5واں میچ نیوزی لینڈ کے خلاف اتوار کو دھرم شالہ کے میدان پر کھیلا،اس میچ میں کیوی ٹیم کی جانب سے بھارت کو 274 رنز کا ہدف دیا گیا تھا، جو میزبان ٹیم نے 48ویں اوور کی چوتھی گیند پر پورا کرلیا۔بھارت کی جانب سے ویرات کوہلی نے 95 رنز کی شاندار اننگز کھیلی، ان کی اننگز میں 2 چھکے اور 8 چوکے شامل تھے۔ کپتان روہیت شرما 46 اور شریاس ائیر نے 33 رنز بنائے جبکہ کے ایل راہول 27 اور شبمن گل 26 رنز بنا کر آوٹ ہوئے۔رویندر جڈیجہ 39 رنز کے ساتھ ناٹ آوٹ رہے جبکہ سوریا کمار یادو صرف 2 رنز بنا سکے۔نیوزی لینڈ کی جانب سے لوکی فیرگوسن نے 2 کھلاڑیوں کو آوٹ کیا، جبکہ ٹرینٹ بولٹ، میٹ ہینری اور مچل سینٹنر نے ایک ایک وکٹ حاصل کی۔
اس سے قبل نیوزی لینڈ کی ٹیم مقررہ 50 اوورز میں 273 رنز بنا کر آل آو¿ٹ ہوئی، نیوزی لینڈ کی طرف سے ڈیرل مچل نے 130 رنز بنائے، ڈیرل مچل کی اننگز میں 5 چھکے اور 9 چوکے شامل تھے۔ خیال رہے کہ بھارتی کرکٹ ٹیم کے کپتان روہت شرما نے نیوزی لینڈ کے خلاف ٹاس جیت کر بولنگ کرنے کا فیصلہ کیا تھا۔ نیوزی لینڈ کی ٹیم جب بیٹنگ کرنے آئی تو اسے ابتدا میں اس وقت مشکل کا سامنا کرنا پڑا جب 9 کے اسکور پر اوپننگ بیٹر ڈیون کانوے چوتھے اوور میں محمد سراج کی گیند پر بغیر کوئی رنز بنائے آوٹ ہوگئے۔نویں اوور کی پہلی گیند پر نیوزی لینڈ کو 19 کے اسکور پر دوسری وکٹ کا نقصان اٹھانا پڑگیا، جب بھارتی بولر محمد شامی نے دوسرے اوپنر ول ینگ کی وکٹیں اڑا دیں ول ینگ 27 گیندوں پر 3 چوکوں کی مدد سے 17 رنز بنا کر آوٹ ہوگئے۔اس کے بعد نیوزی لینڈ کی بیٹنگ کو سنبھالا دینے کیلئے ڈیرل مچل آئے اور انہوں نے کریز پر پہلے سے موجود رچن رویندرا کے ساتھ محتاط انداز میں بیٹنگ کرکے 159 رنز کی شراکت قائم کی۔
تاہم 34 ویں اووز کی تیسری گیند پر رچن رویندرا 178 کے اسکور پر شبھم گل کے ہاتھوں کیچ آو¿ٹ ہوگئے، انہوں نے اپنی اننگر میں 6 چوکوں اور ایک چھکے کی مدد سے 87 گیندوں پر 75 رنز بنائے۔نیوزی لینڈ کی چوتھی وکٹ 205 کے اسکور پر گری جب اس کے کپتان ٹام لتھن صرف 5 رنز بنا کر کلدیب یادیو کی گیند پر ایل بی ڈبلیو آو¿ٹ ہوگئے۔ 38 رنز کی شراکت کے بعد نیوزی لینڈ کو اپنی پانچویں وکٹ سے بھی اس وقت ہاتھ دھونا پڑا جب گلین فلپس کلدیپ یادیو کی گیند پر 23 رنز بنا کر روہت شرما کے ہاتھوں کیچ آوٹ ہوگئے۔
جب نیوزی لینڈ کا اسکور 257 ہوا تو اسے اپنی چھٹی وکٹ کا نقصان مارک چمپن کی صورت میں اٹھانا پڑا جو صرف 6 رنز بنا کر جسپریت بمرا کی گیند پر ویرات کوہلی کے ہاتھوں کیچ آوٹ ہوگئے، 48 ویں اوور کی چوتھی گیند پر نیوزی لینڈ کی ساتویں وکٹ 260 کے اسکور پر اس وقت گری جب مچل صرف ایک رن بنا کر محمد شامی کی گیند پر بولڈ ہوگئے۔ 260 کے ہی اسکور پر نیوزی لینڈ کی آٹھویں وکٹ گر گئی جب میٹ ہنری بغیر کوئی رن بنائے محمد شامی کی گیند پر بولڈ ہوگئے۔نیوزی لینڈ کی جانب سے زبردست اننگر کھیلنے والے ڈیری مچل نویں نمبر پر 130 رنز بنا کر ویرات کوہلی کے ہاتھوں 273 کے اسکور پر کیچ آوٹ ہوگئے جبکہ 50 ویں اوور کی آخری گیند پر 273 کے ہی مجموعے پر فرگوسن 1 رن بناکر رن آوٹ ہوگئے۔بھارت کی جانب سے محمد شامی نے 5 وکٹیں لیں، کلدیپ یادیو نے 2 محمد سراج اور جسپریت بمرا نے 1، 1 وکٹ حاصل کی۔محمد شامی کو شاندار بولنگ پرفارمنس پر میچ کا بہترین کھلاڑی قرار دیا گیا۔
