ان دنوں ٹوئٹر پر اکثر آنے والی فلموں کے بائیکاٹ کا ٹرینڈ چلایا جاتا ہے۔اور لوگوں سے فلمیں نہ دیکھنے کی اپیل کی جاتی ہے۔ ان دنوںاپنی آنے والی فلم لائگر کی تشہیر میں مصروف وجے دیوراکونڈا نے بات کی۔ وجے اپنی فلم کو ہٹ بنانے میں کوئی کسر نہیں چھوڑ رہے ہیں۔ بائیکاٹ بالی ووڈ کے رجحان کے درمیان وجے دیوراکونڈا کی فلم 25 اگست کو سینما گھروں میں ریلیز ہو رہی ہے۔ ایسے میں اب اداکار نے فلموں کے حوالے سے جاری بائیکاٹ کے رجحان پر بات کی ہے۔
جیسا کہ آپ جانتے ہیں کہ عامر خان کا ڈریم پروجیکٹ ’لال سنگھ چڈھا ‘باکس آفس پر بری حالت میں ہے۔ ریلیز سے قبل ہی سوشل میڈیا پرفلم کے بائیکاٹ کے ٹرینڈکی وجہ سے لال سنگھ چڈھا کمائی کے معاملے میں مشکلات کا شکار ہیں۔ اب ساو¿تھ کے سپر اسٹار وجے دیوراکونڈا نے بائیکاٹ کے رجحان پر کھل کر بات کی۔
وجے دیوراکونڈا نے بتایا کہ مجھے لگتا ہے کہ فلم کے سیٹ پر اداکاروں ، ہدایت کاروں ، اداکاراو¿ں کے علاوہ اور بھی بہت سے اہم لوگ ہیں۔ ایک فلم میں 200-300 اداکار کام کرتے ہیں اور ہم سب کے پاس اسٹاف ممبرز بھی ہیں۔ اسی لیے ایک فلم کئی لوگوں کو روزگار دیتی ہے۔ بہت سے لوگوں کے لیے یہ زندگی گزارنے کا ایک ذریعہ ہے۔ وجے دیوراکونڈا نے مزید کہا کہ جب عامر خان سر نے لال سنگھ چڈھا بنائی تو ان کا نام فلم کے اسٹار کے طور پر سامنے آیا ، لیکن اس سے 2 سے 3 ہزار خاندان جڑے ہوئے ہیں۔ جب آپ کسی فلم کا بائیکاٹ کرنے کا فیصلہ کرتے ہیں ، تو آپ صرف عامر خان کو متاثر نہیں کرتے ، آپ ان ہزاروں لوگوں کو متاثر کرتے ہیں جو اپنی ملازمتیں کھو دیتے ہیں۔
وجے دیوراکونڈا نے مزید کہا- عامر سرایسے شخص ہیں جو لوگوں کو تھیٹر کی طرف کھینچتے ہیں۔ پتہ نہیں یہ بائیکاٹ کیوں ہو رہا ہے۔ لیکن اس کی وجہ سے جو بھی غلط فہمی ہو رہی ہے ، آپ سمجھتے ہیں کہ آپ اکیلے عامر خان کو نہیں بلکہ پوری معیشت کو متاثر کر رہے ہیں۔ یہ بڑے پیمانے پر ہوتا ہے۔ بائیکاٹ کے رجحان نے عامر خان کی فلم لال سنگھ چڈھا کو بری طرح متاثر کیا ہے۔ اچھے ریویوز کے بعد بھی فلم کو شائقین نہیں مل رہے ، کئی شوز خالی جا رہے ہیں ، جس کی وجہ سے فلم کے مارننگ شوز کو منسوخ کرنا پڑا۔ لال سنگھ چڈھا ہالی ووڈ کی کلاسک فلم فارسٹ گمپ کا ہندی ریمیک ہے۔ فلم میں عامر خان کے ساتھ کرینہ کپور مرکزی کردار میں ہیں۔ مونا سنگھ عامر کی ماں بنی ہیں۔ مونا سنگھ کی اداکاری کو بھی خوب سراہا جا رہا ہے۔
ساتھ ہی وجے دیوراکونڈا کی فلم لائگر کی بات کریں تو اس فلم میں اننیا پانڈے وجے کے ساتھ مرکزی کردار میں نظر آئیں گی۔ فلم کو لے کر لوگوں میں کافی جوش و خروش پایا جاتا ہے۔ بائیکاٹ کے رجحان کے درمیان وجے دیوراکونڈا اور اننیا پانڈے کی فلم لائگر باکس آفس پر کیسی کارکردگی دکھاتی ہے ، یہ دیکھنا ہوگا۔
