مودی حکومت اپنی اسکیموں کو نافذ کرنے میں امتیازی سلوک نہیں کرتی: جمال صدیقی
کیرالہ/ملاپورم، یکم مارچ(ایچ ڈی نیوز)۔
بی جے پی اقلیتی مورچہ کے قومی صدر جمال صدیقی دو روزہ انتخابی دورہ پر کیرالہ پہنچ گئے۔ ملاپورم لوک سبھا امیدوار اقلیتی مورچہ کے قومی نائب صدر عبدالسلام کی حمایت میں عوامی رابطہ کیا۔انتخابی جلسوں سے بھی خطاب کیا۔ انتخابات سے قبل تیاری کی میٹنگ میں لوک سبھا کارکنوں اور عہدیداروں کی میٹنگ ہوئی۔ کیرالہ کی تمام 20 لوک سبھا سیٹوں کو جیتنے کے لیے سرگرمی سے کام کیا۔
اس موقع پر جمال صدیقی نے کہا کہ اب کی بار 400 مہم میں کیرالہ کی 20 میں سے 20 سیٹوں پر بی جے پی کا جھنڈا لہرائے گا۔ وزیر اعظم نریندر مودی حکومت کو تیسری بار اقتدار میں لانے کے لیے کیرالہ کے عوام کی بھرپور حمایت حاصل ہو رہی ہے۔ وزیر اعظم نریندر مودی کے ترقی یافتہ ہندوستان کی ضمانت سے متاثر ہو کر اقلیتی بھائی بہن بی جے پی میں شامل ہو رہے ہیں۔ مودی حکومت اپنی اسکیموں کو نافذ کرنے میں امتیازی سلوک نہیں کرتی ہے۔ مودی حکومت کی جن دھن یوجنا، اجولا یوجنا، ٹوائلٹ اسکیم، کسان سمان یوجنا، پردھان منتری آواس یوجنا، بیٹی پڑھاؤ بیٹی پڑھاؤ وغیرہ کے بارے میں بتاتے ہوئے انہوں نے کہا کہ حکومت نے ان کو نافذ کرنے میں کبھی امتیازی سلوک نہیں کیا۔ بی جے پی کسی کو خوش کرنے میں یقین نہیں رکھتی بلکہ اجتماعی انصاف کے ساتھ سب کی ترقی میں یقین رکھتی ہے۔
