بی جے پی میں اقلیتوں کا مفاد محفوظ ہے: جمال صدیقی
ممبئی، 30 دسمبر(ایچ ڈی نیوز)۔
بی جے پی اقلیتی مورچہ کے صوفی سمواد مہابھیان کی ایک جائزہ میٹنگ کا اہتمام بھارتیہ جنتا پارٹی اقلیتی مورچہ کے مہاراشٹر کے ریاستی صدر ادریس ملتانی اور مورچہ کے ممبئی صدر وسیم خان نے ریاستی دفتر نریمان پوائنٹ میں کیا۔ بی جے پی اقلیتی مورچہ کے قومی صدر جمال صدیقی میٹنگ میں مہمان خصوصی کے طور پر موجود تھے اور پارٹی کارکنوں سے بات چیت کی۔
اس موقع پر اقلیتی مورچہ کے قومی صدر جمال صدیقی نے کہا کہ وزیر اعظم کی خصوصی خواہش پر بی جے پی اقلیتی مورچہ کی جانب سے صوفی سمواد مہا ابھیان چلایا جارہا ہے۔ جس کا بنیادی مقصد ملک کے تمام خانقاہوں اور درگاہوں کے عقیدت مندوں کے ساتھ رابطہ قائم کرنا اور اس بات کو یقینی بنانا ہے کہ مرکزی اور ریاستی حکومت کی اسکیموں کا فائدہ آخری فرد تک پہنچے۔ اقلیتوں کے مفادات صرف بی جے پی حکومت میں محفوظ ہیں۔ بی جے پی حکومت نے صوفیوں اور سنتوں کو عزت دینے کا کام کیا ہے۔
بی جے پی کی فلاحی اسکیموں سے ہر طبقہ مستفید ہوا ہے۔ جائزہ میٹنگ میں مورچہ کے ریاستی صدر ادریس ملتانی، ممبئی کے صدر وسیم خان، قومی شریک انچارج صوفی سمواد عابد علی چودھری، مہاراشٹر صوفی سمواد کے انچارج سلیم بگوان، ہاسم علی اور صوفی سمواد کے انچارج اور شریک انچارج۔ -انچارج موجود تھے۔
