نئی دہلی، 10 جنوری ۔ دہلی کی وزیر اعلیٰ آتشی نے جمعہ کو کہا کہ بی جے پی رمیش بدھوڑی کو اپنا وزیر اعلیٰ چہرہ بنانے جا رہی ہے۔ دہلی کے لوگ جانتے ہیں کہ اگر عام آدمی پارٹی جیت جاتی ہے تو اروند کیجریوال وزیر اعلیٰ بن جائیں گے، لیکن اگر وہ بی جے پی کو ووٹ دیتے ہیں تو گالی دینے والے رمیش بدھوری وزیر اعلیٰ بن جائیں گے۔
آتشی نے کہا کہ قابل اعتماد ذرائع سے معلوم ہوا ہے کہ آج صبح بی جے پی کی سی ای سی میٹنگ میں اس کا فیصلہ کیا گیا ہے۔ اس فیصلے کی منظوری شام کو پارلیمانی کمیٹی کے اجلاس میں دی جائے گی۔ انہوں نے کہا کہ اب دہلی والوں کے پاس دو راستے ہیں۔ ایک طرف پڑھے لکھے اور کام کرنے والے لیڈر اروند کیجریوال ہیں اور دوسری طرف گالی گلوج کرنے والے رمیش بدھوڑی ہیں۔
انہوں نے کہا کہ ابھی کچھ دن پہلے رمیش بدھوڑی نے کانگریس لیڈر پرینکا گاندھی کے لیے گالیاں دیں اور ان کے لئے نازیبا الفاظ کہے۔ اگلے دن رمیش بدھوڑی نے مجھے اور میرے خاندان کے ساتھ بدسلوکی کی۔ اسی کا صلہ رمیش بیدھوڑی کو مل رہا ہے۔
