نئی دہلی،23اگست(ایچ ڈی نیوز)۔
راہل گاندھی کی بھارت جوڑو یاترا نے کانگریسیوں میں جوش بھردیا ہے۔ اب کانگریس کی ذیلی تنظیمیں بھی سرگرم ہوگئیں ہیں۔غیر منظم ورکرز کانگریس(کے کے سی)کے صدرڈاکٹر ادت راج نے شمال مغربی لوک سبھا کے مختلف علاقوں کا دورہ کیا۔
اس دوران ڈاکٹر ادت راج نے سینکڑوں کارکنوں کے ساتھ میٹنگ کی اور ان سے کہا کہ وہ عوامی لیڈر راہل گاندھی کے پیغام محبت اور کانگریس کی مختلف پالیسیوں کو گھر گھر پہنچانے کے لیے کام کریں۔
اس دوران راہل گاگ کو روہنی ضلع کاکے کے سی صدر بنایاگیا۔انہوں نے نانگلوئی میں کانگریس کونسلر مندیپ کے دفتر میں کارکنوں سے ملاقات کی اور علاقائی عوام کے مسائل سنے۔
اس موقع پرپربل پرتاپ شاہی (نیشنل کوآرڈینیٹر، کے کے سی)، چندر بھان (جنرل سکریٹری، دہلیکے کے سی)، بابولال (سیکرٹری، دہلی کے کے سی)، اروند شاہ (اسمبلی حلقہ صدر، رٹھالہ-کے کے سی)، گوپال سنگھ (سینئر کانگریس لیڈر)، سبھاش بھڈانہ (سینئر کانگریس لیڈر)، ہری داس پانڈے (کیراڑی ضلع صدر، کے کے سی)، للیتا شرما (ضلع نائب صدر، کراڑی کے کے سی)، روی کاسانہ، ابھیشیک ناتھ وغیرہ موجود تھے۔
