40.6 C
Delhi
May 20, 2024
Hamari Duniya
Breaking News کھیل

انگلینڈ کے کپتان بین اسٹوکس نے جیتا ٹیسٹ پلیئر آف دی ایئر 2022 کا ایوارڈ 

Ben Stokes

دبئی ، 26جنوری ( ایچ ڈی نیوز)۔

آئی سی سی نے سال 2022 کے ٹیسٹ کرکٹر آف دی ایئر کا ایوارڈ جیتنے والے کھلاڑی کے نام کا اعلان کر دیا ہے۔ انگلینڈ کے ٹیسٹ کپتان بین اسٹوکس کو اس ایوارڈ کا فاتح قرار دیا گیا ہے، جنہوں نے گزشتہ سال اپنے آل راونڈ کھیل اور کپتانی سے انگلش ٹیم کی قسمت بدل دی تھی، اور انہیں جیت کی راہ پر واپس لے آئے ۔ اس ایوارڈ کے لیے مجموعی طور پر چار کھلاڑی نامزد کیے گئے جن میں انگلینڈ کے بین اسٹوکس اور جانی بیرسٹو، آسٹریلیا کے عثمان خواجہ اور جنوبی افریقہ کے کگیسو ربادا شامل ہیں۔
واضح ہو کہ 2022 ٹیسٹ کرکٹ میں انگلینڈ کی شکست کا سلسلہ جاری تھا اور بین اسٹوکس کو کپتان بنائے جانے سے پہلے اس نے اپنے آخری 17 میچوں میں سے صرف ایک میں کامیابی حاصل کی تھی۔ ناقص کارکردگی کے باعث جو روٹ نے کپتانی چھوڑ دی تھی۔ اس کے بعد بین اسٹوکس نے عہدہ سنبھالا اور نئے ہیڈ کوچ برینڈن میک کولم کے ساتھ انگلینڈ کی ٹیسٹ ٹیم میں جارحانہ انداز لائے اور اس سے کامیابی حاصل کی۔
انگلینڈ کے ٹیسٹ کپتان بین اسٹوکس نے گزشتہ سال 15 میچ کھیلے اور اس دوران 870 رن بنائے۔ انہوں نے دو سنچریاں اور چار نصف سنچریاں بھی بنائیں۔گیندبازی میں انہوں نے 26 وکٹیں اپنے نام کیں۔
اس کے ساتھ ہی اسٹوکس نے بطور کپتان کافی کامیابیاں حاصل کی۔ بطور کپتان انہوں نے گزشتہ سال نیوزی لینڈ کو تین میچوں کی سیریز میں 3-0 سے وائٹ واش کیا تھا۔ وہیں وہ بھارت کے خلاف واحد ٹیسٹ جیتنے میں کامیاب رہے اور سیریز بھی برابر کر دی۔ اس کے بعد پہلا ٹیسٹ ہارنے کے باوجود جنوبی افریقہ کے خلاف تین میچوں کی سیریز جیت لی ۔ سال کے آخر میں بین اسٹوکس کی قیادت میں انگلش ٹیم نے پاکستان کا تاریخی دورہ کیا اور ان کو انہیں کی سرزمین پر ٹیسٹ سیریز میں کلین سویپ کرکے تاریخ رقم کی۔
اعداد و شمار کی بنیاد پر، اسٹوکس نے گزشتہ سال 10 میچوں میں کپتانی کی اور صرف ایک میچ ہارے۔ انگلینڈ کی ٹیم نے 9 میچز جیتے ہیں جس سے ظاہر ہوتا ہے کہ انہوں نے اپنی ٹیم سے کس قسم کی کارکردگی کا مظاہرہ کروایا ہے۔

Related posts

دہلی شراب گھوٹالے کی آنچ پہنچی تلنکانہ کے وزیراعلیٰ کے گھر، سی بی آئی کرے گی پوچھ گچھ

Hamari Duniya

بنگلورو اور حیدر آباد میں لانچ ہوا جیو کا  ٹرو5 جی

Hamari Duniya

دیو میں منعقدہ اولین بیچ گیمز میں مدھیہ پردیش مجموعی طور پر چمپئن بن کر ابھرا

Hamari Duniya