لکھنو¿،(ایچ ڈی نیوز)۔
اترپردیش کے رام پور سے سماج وادی پارٹی (ایس پی) کے ایم ایل اے اور سابق کابینہ وزیر اعظم خان کو اشتعال انگیز تقریر کیس میں قصوروار پایا گیا ہے۔ رام پور کی ایم پی-ایم ایل اے عدالت نے جمعرات کو اس معاملے میں انہیں تین برس کی سزا سنائی ہے، جس کے بعد اب ان کی قانون ساز اسمبلی کی رکنیت بھی ختم ہو سکتی ہے۔اور ان پر 9سال تک الیکشن لڑنے پر پابندی بھی عائد ہوسکتی ہے۔
ایس پی لیڈر اعظم خان پر تین برس قبل رامپور کے ملک میں ایک انتخابی میٹنگ کے دوران وزیر اعظم مودی، وزیر اعلیٰ یوگی اور اس وقت کے ضلع مجسٹریٹ کے بارے میں قابل اعتراض اور اشتعال انگیز تبصرہ کرنے کا الزام تھا۔ اس معاملے میں آکاش سکسینہ کی جانب سے مقدمہ درج کیا گیا تھا۔ اس معاملے میں رام پور کی ایم پی-ایم ایل اے عدالت نے آج سماعت کرتے ہوئے ایس پی لیڈر اعظم خان کو مجرم قرار دیاہے۔ اس کے بعد عدالت نے ا ن کو تین برس قید کی سزا بھی سنائی ہے۔ اس فیصلہ کے بعد اب اعظم خان کی اسمبلی رکنیت کی مشکلات بڑھ گئی ہیں۔
