نئی دہلی،(ایچ ڈی نیوز)۔
اپنے بیانیہ سے ہمیشہ سرخیوں میں رہنے والے اعظم خان نے ایک اور ایسا بیان دے دیا ہے کہ پھر سرخیوں میں آگئے ہیں۔ اور اپنے اس بیان کی وجہ سے ان کی پریشانیاں بھی بڑھ سکتی ہیں۔ ان کے اس بیان سے خواتین میں شدید ناراضگی ہے۔ جس کی وجہ سے ان خواتین نے رام پور میں اعظم خان کے خلاف کیس بھی درج کرایا ہے۔ اور پولس نے اس معاملے میں کارروائی بھی شروع کردی ہے۔
اعظم خان نے 29 نومبر کو شطرخانہ میں ایک ریلی کو خطاب کرتے ہوئے کہا تھا کہ آج جو میرے اور ہمارے لوگوں کے ساتھ ہو رہا ہے، اس کا انتقام لینے کے لیے کوئی ضرور پیدا ہوگا۔ اگر چہ میں اس دن رہوں یا نہ رہوں لیکن آپ تو رہیں گے ہی
بی جے پی حکومت پر حملہ بولتے ہوئے انہوں نے کہا کہ جیسا سلوک ان کے ساتھ ہورہا ہے اگر ویسا وہ چار حکومتوں میں رہتے ہوئے کرتے تو بچے ماں کے پیٹ سے پیدا ہونے سے پہلے پوچھتے کہ پوچھ لو اعظم خان سے باہر نکلنا بھی ہے یا نہیں۔
واضح رہے کہ متنازعہ بیان دینے کی وجہ سے عدالت نے اعظم خان کو تین سال کی سزا سنائی ہے۔ جس کی وجہ سے ان کی اسمبلی کی رکنیت بھی منسوخ کردی گئی ہے۔چاسی وجہ سے رامپور شہر سیٹ پر ضمنی انتخاب ہورہا ہے۔ اور اعظم خان ایس پی امیدوار عاصم رضا کیلئے تشہیر کررہے ہیں۔
