11.1 C
Delhi
February 7, 2025
Hamari Duniya
Breaking News علاقائی خبریں

AMU Students Union Election: علی گڑھ مسلم یونیورسٹی میں اسٹوڈنٹس یونین کا الیکشن نہ کرانے پر سابق صدر زیڈ کے فیضان نے اٹھائے سوال

AMU Students Union Election:

AMU Students Union Election:

نئی دہلی، 04 ستمبر:علی گڑھ مسلم یونیورسٹی اسٹوڈنٹس یونین کے سابق صدراورسپریم کورٹ کے وکیل ایڈوکیٹ زیڈ کے فیضان نے آج یہاں ایک بیان جاری کرکے مسلم یونیورسٹی طلباء یونین کے انتخابات فوری طورپرکرانے کا مطالبہ کیا ہے۔ انہوں نے کہا کہ یہ انتہائی افسوس ناک ہے کہ گزشتہ پانچ سالوں سے یونیورسٹی میں طلباء یونین نہیں ہے۔ انھوں نے کہا کہ یونیورسٹی میں حالات بالکل نارمل ہیں اورداخلے تقریباً مکمل ہوچکے ہیں، ایسے میں الکشن نہ کرائے جانے کا کوئی جوازنہیں ہے۔
انھوں نے زور دیتے ہوئے کہا کہ علی گڑھ مسلم یونیورسٹی طلباء یونین کی اپنی ایک الگ پہچان اورافادیت رہی ہے۔ یہاں کی طلباء یونین یونیورسٹی کے معاملات کواٹھانے کے ساتھ ہی ملی مسائل کوبھی مضبوطی سے اٹھاتے رہے ہیں۔ آج جب ملت اسلامیہ مختلف مسائل اورناگفتہ بہ حالات سے دوچارہے تویونیورسٹی میں طلباء یونین کا قیام مزیدضروری ہوجاتا ہے۔

AMU Students Union Election:
ایڈوکیٹ زیڈ کے فیضان نے کہا کہ یونیورسٹی انسٹی ٹیوٹس 34 میں صاف طورپرکہا گیا ہے کہ یونین لازمی طور پرہوگی، مگراس کے باوجود کئی سالوں سے انتخابات کا نہ کرایا جانا باعثِ تشویش ہے۔ انہوں نے کہا کہ دہلی یونیورسٹی طلباء یونین کے انتخابات 27 ستمبرکو کرائے جانے کے اعلان ہوچکا ہے، جس کا میں خیرمقدم کرتا ہوں۔ انہوں نے امید کا اظہارکرتے ہوئے کہا کہ اے ایم یوایڈمنسٹریشن بھی اسے نظیربناتے ہوئے فوری طورپر یونین انتخابات کی تاریخوں کا اعلان کرے گی۔
ایم یو طلبہ یونین کے سابق صدر زیڈ کے فیضان نے کہا کہ اگرایسا نہ ہوا اورطلباء نے کوئی احتجاج کا راستہ اپنایا تو وہ حق بجانب ہوں گے۔ انھوں نے کہا کہ یہ افسوس ناک ہے کہ ایڈمنسٹریشن ایک طرف تو لنگدوہ کمیشن کی سفارشات پرعمل کرنے کے نام پریونیورسٹی سیشن کے اختتام پرفوراً سے پیشتریونین کی مدتِ کارختم کرنے کی بات کرتا ہے، مگر دوسری طرف الیکشن کرانے میں تاخیرکرتا ہے، یہ نہ صرف یہ کہ درست نہیں بلکہ اس سے انتظامیہ کی بدنیتی بھی ظاہرہوتی ہے۔

Related posts

سابق امریکی صدر ڈونالڈ ٹرمپ کی بڑھیں گی مشکلیں، جنسی بدسلوکی کیس میں ملوث پائے گئے

Hamari Duniya

رویت ہلال کمیٹیوں کی جانب سے ماہ ذی الحجہ 1445ھ کے چاند نظرآنے کا اعلان

دور حاضر میں ویڈیو کال نے کتاب القاضی الی القاضی کی جگہ لے لی ہے: مولانا بلال بجرولوی:

Hamari Duniya

اپوزیشن ارکان کی مسلسل غیر اخلاقی معطلی جمہوری اقدار کا قتل ہے: عامر رشادی

Hamari Duniya