واشنگٹن، 17 مارچ ۔ امریکا میں صدارتی انتخابات سے قبل سابق صدر ڈونلڈ ٹرمپ نے خون خرابے کی دھمکی دی ہے۔ انہوں نے کہا ہے کہ اگر وہ 2024 کے صدارتی انتخابات میں منتخب نہیں ہوئے تو ملک میں خون خرابہ ہوگا۔
اوہائیو کے قریب ریپبلکن پارٹی کی انتخابی ریلی سے خطاب کرتے ہوئے سابق امریکی صدر ڈونلڈ ٹرمپ نے کہا تھا کہ اس بار انتخابات کی تاریخ امریکہ کی تاریخ میں اہم ترین ہونے جا رہی ہے۔ انہوں نے کہا کہ 5 نومبر کی تاریخ نوٹ کر لیں۔ اگر وہ 2024 کے صدارتی انتخابات میں کامیاب نہیں ہوئے تو امریکہ میں خونریزی ہونے والی ہے۔ صورت حال پچھلی بار سے زیادہ سنگین ہو سکتی ہے۔ ملک کو میری ضرورت ہے۔ اگر میں نہیں جیت سکا تو خون کی ہولی ہو گی۔
قابل ذکر ہے کہ ٹرمپ کے خلاف 6 جنوری 2021 کو ہوئے کیپیٹل ہل تشدد کیس میں مقدمہ چل رہا ہے۔ ٹرمپ چند گھنٹوں کے لیے سلاخوں کے پیچھے جاچکے ہیں۔ فی الحال ضمانت پر ہیں۔ دراصل ٹرمپ 2020 کے صدارتی انتخابات میں ڈیموکریٹ رہنما جو بائیڈن سے ہار گئے تھے۔ ان پر نتائج کو الٹنے کی سازش کرنے کا الزام تھا۔ ایسے میں ان کی تازہ دھمکی سے سوال اٹھ رہے ہیں۔
