ڈاکٹر نوازالحق قومی سکریٹری اور ڈاکٹر ساجد نثار کنوینر مقرر
نئی دہلی،23اکتوبر(ایچ ڈی نیوز)۔
آل انڈیا یونانی طبّی کانگریس کے قومی صدر پروفیسر مشتاق احمد نے طبّی کانگریس راجستھان اسٹیٹ کو چند تکنیکی وجوہات کی بنیاد پر تحلیل کرنے کا اعلان کیا ہے۔ انہوں نے اپنے خاص اختیار کا استعمال کرتے ہوئے ڈاکٹر سیّد نوازالحق کو تنظیم ہذا کا قومی سکریٹری اور ڈاکٹر ساجد نثار کو طبّی کانگریس راجستھان یونٹ کا کنوینر مقرر کیا ہے۔ اسی کے ساتھ ڈاکٹر ساجد نثار کو ایک ماہ کے اندر حسب ضابطہ طبّی کانگریس راجستھان اسٹیٹ کی تشکیل نو کی ہدایت بھی جاری کی۔ پروفیسر مشتاق احمد نے جاری بیان میں یہ بھی واضح کیا کہ ا?ل انڈیا یونانی طبّی کانگریس راجستھان اسٹیٹ کی سبھی معاون ونگ از خود تحلیل ہوگئیں۔
پروفیسر مشتاق احمد نے اس امر پر خوشی کا اظہار کیا ہے کہ گزشتہ تین دہائیوں سے زیادہ وقفہ سے کامیابی کے ساتھ آل انڈیا یونانی طبّی کانگریس راجستھان میں سرگرم عمل ہے، اس کے لیے ڈاکٹر چودھری محمد منور خاں، ڈاکٹر غلام قطب چشتی، ڈاکٹر سیّد محمد شفیق احمد نقوی وغیرہ کی خدمات قابل ستائش ہیں۔ انہوں نے مزید کہا کہ ا?ل انڈیا یونانی طبّی کانگریس راجستھان یونٹ کو تحلیل کرنے کا بنیادی مقصد تنظیم کو ازسرنو تشکیل دے کر فعال بنائے رکھنا ہے۔
