نئی دہلی، 06 جنوری(ایچ ڈی نیوز)۔
انو یشن اینڈ اسکل ٹریننگ سینٹر ابوالفضل انکلیو سے نرسنگ کی ٹریننگ لینے والے 40 بچوں کو الشفا ہاسپٹل میں عملی ٹریننگ سے قبل ان کا اورینٹیشن پروگرام منعقد کیا گیا۔ اس موقع پر الشفا ہاسپٹل کے ڈائریکٹر ڈاکٹر منہاج الدین نے، بچوں کا الشفا ہاسپٹل میں استقبال کرتے ہوئے انہیں دوران ٹریننگ نرسنگ کے اصول و ضوابط سے آگاہ کیا. انہیں بتایا کہ آپ نے مریضوں کی خدمت کو اپنے لیے بطور پیشہ منتخب کیا ہے یہ آپ کے لیے دعا کمانے کا ذریعہ بھی ہے۔
مریض کی نفسیات کو سمجھ کر اس کی تکلیف کو دور کرنے کی پوری کوشش کریں۔ اس سے قبل ہونے ایک پروگرام میں نرسنگ کی ٹریننگ حاصل کر چکے بچوں کو سرٹیفیکیٹ سے بھی نوازا گیا۔ اس موقع پر آئی ایس ٹی سے کے ڈائریکٹر سلیم اللہ خان نے کہا آپ کی بڑی ذمہ داری ہے، اب آپ ٹریننگ لے کر میدان عمل میں اتر رہے ہیں ، آپ کو پوری ایمانداری سے مریضوں کا ہمدرد بن کر کام کرنا ہے. آپ کو اپنے اس سینٹر کے بار میں بھی سوچنا ہے جہاں سے آپ نے یہ ٹریننگ لی ہے. اپنے جیسے دوسرے نوجوانوں کو سینٹر سے جوڑیں.
اس موقع پر آئی ایس ٹی سے کے پروجیکٹ ہیڈ محمد ابو ذر نے تمام شرکا کا شکریہ ادا کیا۔
