نئی دہلی،03جنوری۔ وژن 2026 کے تحت ہیومن ویلفیئر فاونڈیشن نے الشفاءہاسپٹل کے اشتراک سے نئی دہلی کے راجندر نگر میں واقع آئی ڈی ایف سی بینک کی شاخ میں مفت طبی کیمپ کا انعقاد کیا۔ یہ اقدام بینک کے ہاوس کیپنگ اسٹاف کو طبی سہولیات فراہم کرنے کے لیے کیا گیا۔
کیمپ میں کل 46 ملازمین نے شرکت کی اور صحت کی جانچ، بنیادی تشخیصی ٹیسٹ اور مفت ادویات سے فائدہ اٹھایا۔ یہ کیمپ اس بات کی اہمیت کو اجاگر کرتا ہے کہ معاون عملے کو طبی سہولیات تک رسائی فراہم کرنا کتنا ضروری ہے، جو اکثر اس طرح کی خدمات سے محروم رہتے ہیں۔
یہ کیمپ گزشتہ ماہ گڑگاوں میں منعقد ہونے والے ایک ایسے ہی اقدام کا تسلسل تھا، جہاں قویس کارپ کے ہاوس کیپنگ اسٹاف نے اس سے استفادہ کیا تھا۔ آئی ڈی ایف سی بینک قویس کارپ کا کلائنٹ ہے۔ہیومن ویلفیئر فاونڈیشن اور الشفاءہاسپٹل کو کمیونٹی کی صحت کو فروغ دینے کی مسلسل کوششوں پر سراہا گیا ہے۔
